Леапольд Скульскі
Зьвесткі зь Вікіпэдыі — вольнай энцыкляпэдыі.
Ску́льскі, Леапо́льд (па-польску: Leopold Skulski) (15 лістапада 1877 – 1939 (1940?)) — польскі хімік, палітычны дзяяч, прэм'ер-міністар.
Нарадзіўся ў Замосьці. У 1906 годзе скончыў Палітэхніку ў Карлспухе. Пасьля жыў у Лодзі. Чалец польскага Таварыства Гімнастычнага «Сокал». У 1915 годзе аснаваў у Лодзі Народнае Аб'яднаньне, якое было блізкае эндэцыі. Пад час выбараў самакіраваньня здабыў мандат дэпутата горада Лодзі. У 1919 годзе здабыў пасольскі мандат. З 13 сьнежня 1919 да 9 чэрвеня 1920 году — прэм'ер міністар Польшчы. З 24 ліпеня 1920 да 28 чэрвеня 1921 году — міністар ўнутраных спраў ва ўрадзе Вінцента Вітаса. Падтрымліваў апалячваньне Крэсаў і распаўсюджваньне асадніцтва. Заяўляў, што праз 50 год у Польшчы ня знойдзе ніводнага беларуса нават са сьвечкаю. У 30-х гадох ня браў удзел у палітычным жыцьці. Быў старшынёй Польскага Радыё да 1936 году. Калі выбухнула Другая сусьветная вайна з'ехаў у Пінск, дзе быў арыштаваны НКВД пасьля, таго як прыйшла Чырвоная Армія. Перавезены ў Берасьце, дзе па чутках памёр ці быў забіты.
