Rehiyon Davao
Halì sa Wikipedia
Rehiyonal na sentro | Ciudad nin Davao | |
---|---|---|
Populasyon | 3,676,163 | |
– Densidad | 186.9 kada km² | |
Hiwas | 19,671.83 km² | |
Mga Bangâ | ||
– Mga Provincia | 4 | |
– Mga Ciudad | 5 | |
– Mga Banwaan | 44 | |
– Mga Barangay | 1,160 | |
– Mga Distrito | 11 | |
Mga Tataramon | Davaoeño, Cebuano, Mandayan, Dibabawon, Mansakan, Manobo, Tagalog, iba pa |
An Rehiyon Davao (Ingles:Davao Region o Region XI) sarô sa mga rehiyon kan Republika kan Filipinas na namomogták sa sur-subangan kan isla nin Mindanao. Kompwesto ini kan mga provincia nin Compostela Valley, Davao del Norte, Davao del Sur asin Davao Oriental. An rehiyon nasa ngimot kan Golpo nin Davao asin an ciudad nin Davao, an rehiyonal na sentro kaini.
[hirahón] Heograpiya
Dating Habagatan na Mindanao (Ingles: Southern Mindanao) an Rehiyon XI. Kaibahan kan tolong provinciang Davao an mga provincia nin Surigao del Sur asin South Cotabato. Kan panahon na idto, an Compostela Valley parte pa kan Davao del Norte. Sa Republic Act No. 7225 na pigratificar kan Marso 16, 1992, iminukna an provincia nin Sarangani hali sa South Cotabato. Dangan, sa Republic Act No. 7901 na pigpirmahan kan Pebrero 3, 1995 kan Presidente Fidel V. Ramos, ibinalyo an Surigao del Sur sa bagong muknang rehiyon nin Caraga (Region XIII). Sa katapus-tapusi, kan Setyembre 19, 2001, sa paagi kan Executive Order No. 36 ni Presidente Gloria Macapagal-Arroyo, pigreorganizar an mga rehiyon asin provincia sa Mindanao. Ibinalyo an Cotabato Sur asin Sarangani sa SOCCSKSARGEN asin pinangaranan na Davao Region an rehiyon.