Luzon
Halì sa Wikipedia
Luzon an pinakádakolang isla sa Republika kan Filipinas asin sa tolong grupo nin mga isla sa nacion. Visayas asin Mindanao an duwa. Igwa ining sokol na 104,688 km² kayâ ini an ika-15ng pinakádakolà asin ikalimang pinakámatawong isla sa kinàban.
Bilang grupo nin mga isla, kabali digdi an mismong isla nin Luzon, kaiislahán kan Batanes asin Babuyan sa norte, asin mga mayor sagkod pagtaraid na mga isla nin Catanduanes, Marinduque, Masbate, Romblon sagkod Mindoro sa sur. An grupo nin mga isla kan Palawan parte kan MIMAROPA sa Luzon asin ibinalyo na sa Rehiyon VI sa Visayas kan 2005.
Sa mga suanoy na mapa, Luçonia o Luçon an apod asin Luçoes sa mga nag-eerok digdi. Sosog sa uusipon, bisto man an Luzon sa ngaran na Nueva Castilla o an New Catile.
[hirahón] Uusipon
An mga tulay na dagang nagsosogpon sa mga isla kan Filipinas orog na an Luzon sa Asya pinaghuhunang nagdara sa mga katutubong Agta sobra sa 15,000 taon na an nakakalihis.
