Jaime T. Malanyaon
Halì sa Wikipedia
Si JAIME T. MALANYAON dati Schools Division Superintendent na nadestino sa apat kan anom na school division igdi sa probinsya kan Kabikolan. Haros sa lawig kan saiyang buhay yaon siya sa lantad nin edukasyon.
Pagkaretiro, siya an namayo (chairman) kan Archdiocesan Bikol Translation Committee. Nagin man siya myembro kan Komitiba na nagpalis kan Ingles na bibliya sa Bikol sa lindong kan Philippine Bible Society
Aktibo man siyang myembro kan KABIKOLAN, INC., sarong kaburonyugan sa pagrimpos kan Kulturang Bikolnon asin myembro man kan Phjilippine Historical Society. Siya myembro man kan broadcast media igdi sa Kabikolan asin parasurat sa duwang peryodikong Bikol: an Vox Bikol asin an Harubay.
Mga sinurat asin napalagda' niyang mga libro:
- Diamond Jubilee of Region V (1901-1978), dapit sa edukasyon igdi sa Kabikolan. 1978
- Tambobong Nin Mga Piniling Tataramon sa Bikol(Bikol-English Thesaurus), AMS Press. 1990.
- ISTORYA KAN KABIKOLAN (KABIKOLAN: A History), AMS Press. 1991. 568 na boklit.May Bibliograpia asin Index.
- Calabanga. 1993.
- Ina and Her Faithful. 1997
- An Puso Kan Kabikolan. 1997
- Camarines Sur: Bikolandia's Premier Province. 1998
Mga huwad kaining nasambit na mga libro igwang saray an National Library.
Ginunuan: ISTORYA KAN KABIKOLAN, Jaime T. Malanyaon. AMAS Press. 1991. 568 na boklit. Kuleksyon sa National Library .
