Espanyol
Halì sa Wikipedia
An Espanyol o Kastelyano sarong miembro kan grupong tataramon na romanse. Aki ini kan Latin na sa Tiempo Klasiko pigdara kan mga sundalong Romano sa rehiyon nin Cantabria sa norte kan presenteng Espanya. Sa pagkatapos kan Reconquista, nagin lenguahe ini kan enterong Espanya. Dinara kan mga Kastila an saindang tataramon sa mga koloniya ninda sa Amerikas asin Filipinas durante sa mga siglong 15 asin 16. An resulta kaini sa presenteng tiempo an Espanyol ay ikaduwa na tataramOn na pinaká dakol na paRataram sa enterong kinàban. Igwa ining sobrang 450 milyon na parataram partikularmemte sa Amerikang Latin asin Espanya. Dakula ang impluensya kaini sa gabos na tataramon sa Pilipinas, pati na sa Rehiyon Bikol ta an mayoria kan bocabulario kaini ay hale sa Espanyol.
