Dagat
Halì sa Wikipedia
An dagat pwedeng sarong mahiwas na tubig askad na nakakonektar sa kadagatan, o maaskad na danaw na mayong natural na luwasan arog kan Dagat Caspean o ang Gadan na Dagat.
An termino ginagamit na kolokyal kapareho sa kadagatan, arog kan "an tropikal na dagat", "sa baybayon kan dagat" o maski "tubig dagat" tanganig apodon an tubig kan kadagatan. An mga mahihiwas na danaw arog kan Great Lakes, minsan inaapod na mga dagat sa kadagaan. Kadakol mga dagat na pan-gilid na mga dagat na an solog kawsa kan doros kadagatan; an iba mga dagat mediterraneo na an solog kawsa kan mga pagkakaiba sa kaaskadan (salinity) asin temperatura.
An International Hydrographic Organization (IHO) an may poder sa kinàban pag-abot sa pagresolber kun ano an mga dagat. An nagreresolber na dokumento sa presente iyo an Special publication S-23, Limits of Oceans and Seas, ikatolong edisyon, 1953. An ikaduwang edisyon igwang fecha nin 1937, asin an pinakáenot, 1928. Igwa nin draft para sa ikaapat na edisyon na ipinag-imprenta kan 1986 alagad hasta ngonian manlain-lain na dae pagkakairintidihan sa pagngaran (arog kan sa Dagat Hapon) na nakapogol sa pagpaotob kaini.
