Bino'tong
Halì sa Wikipedia
An bino'tong sarong luto kan pulotan na bagas sa guta'.
An pulotan binibinsa' saka pinapatete. Tapos an guta' sa niyog ba'go iramas sa bagas na pulotan inaasinan na magnamit dikit saka linuluto sagkod na magbuladbukad. Iraramas na an pulotan igdi sa guta'. An ipapatos kaini iyo idtong lombod na dahon kan sa'ba na pinaglobloban ngarig magkunot ini saka dai magpa'kit. Higot na pupuyoson na ini sa dahon asin burugkosan man na maray na dai magtaros an tubig.
La'bonan na ini sa tubig na lantop sa mga kinaag na bino'tong na lulutoon. Sa katahawan, bukason an saro asin hilingon kun naggigiyaw-giyaw na an guta, tanda na luto na an mga bino'tong.
Duwang kutsaron na guta' an iraramas sa duwa man na takad nin pulotan. An takaran kan pulotan iyo idtong takop kan boteng nescafe na dakula. Syempre, imamantener an proporsyon na ini kun dakul nang maray an lulutoon. An pamatos ikakaag sa sadit na mangko' ngani madali an pagsoksok kan tinimpla bago puyoson.
