Deitschland

Aus Wikipedia

Deitschlånd (åmtliche Stååtsbezeichnung: Bundesrepublik Deutschland) is a Bundesstååt und a Mitgliadslånd vo da Europäischen Union. Er liegt in Midtleuropa und håt gmeinsåme Grenzn mit da Dänemårk, Poin, Tschechien, Östareich, da Schweiz, Frånkreich, Luxmburg, Belgien und dé Niedalånden. Im Norden büidn dé Nordsee und dé Ostsee de natürlichn Stååtsgrenzn.

Bundeshauptstådt und Regierungssitz is Berlin; de meistn ministeriöin Arbeitsplätz und zåireiche Bundesinstituzionen befindn sé åba in da Bundesstådt Bonn. Dés politische System is födarál und åis párlaméntárische Demokrátie organisiert. Deitschlånd besteht aus 16 teilsuvaränen Ländan. Es is mit üwa 82 Milljonen Eînwohnan da bevöikarungsreichste Stååt da Europäischen Union. Dé Bundesrepubblik Deitschlånd is unta aundarem Mitgliad da Vaeintn Nazionen, da NATO und da G8, sowia Grindungsmitgliad da EU.

[dro wärkln] Bundeslända

	Bundeslånd	Hauptstådt	Flächn (km²)	Êîwohna⁽²⁾
1	Bådn-Württmberg	Studtgárt	35.751,65	10.717.000
2	Baiarn	Minga	70.549,19	12.444.000
3	Berlin	⁽¹⁾	891,75	3.388.000
4	Brándnburg	Potsdám	29.477,16	2.568.000
5	Bremen	Bremen⁽¹⁾	404,23	663.000
6	Hamburg	⁽¹⁾	755,16	1.735.000
7	Hessn	Wiesbådn	21.114,72	6.098.000
8	Megglenburg-Vurpommarn	Schwerin	23.174,17	1.720.000
9	Niedasággsn	Hannova	47.618,24	8.001.000
10	Nordrhein-Westfåin	Düssldorf	34.042,52	18.075.000
11	Rheinlånd-Pfåiz	Mainz	19.847,39	4.061.000
12	Sáárlånd	Sáárbrüggn	2.568,65	1.056.000
13	Sachsen	Dresden	18.415,66	4.296.000
14	Saggsn-Anhåit	Mágdeburg	20.445,26	2.494.000
15	Schleswig-Hoistââ	Kiel	15.763,18	2.829.000
16	Thüringen	Erfurt	16.172,14	2.355.000
⁽¹⁾ Dé Stådtstååtn Berlin und Hámburg bestengan ausschliaßle aus dé gleichnåmign Städte; Bremen güit ebmfåis åis Stådtstååt, obglei zum Lånd Bremen no dé Stådt Bremahávn ghert. ⁽²⁾ Stichtåg: 31. Dezemba 2004 De Nutzung da Flächn vau da Bundesrepubblik Deitschlånd kau da Statistik entnumma wern.

[dro wärkln] Geográfie

[dro wärkln] Låg

Deitschlånd liegt in Midtleuropa, zwischn 47°16′15″ und 55°03′33″ nördlicha Breitn und 5°52′01″ und 15°02′37″ östlicha Läng. Im Nordn grénzt Deitschlånd ån dé Dänemark (auf áána Läng vau 67 km), im Nordostn ån Poin (442 km), im Osten ån Tschechien (811 km), im Südosten ån Östareich (815 km; ohne Grenz im Bodnsee), im Südn ån dé Schweiz (316 km; mit Grénzn vau da Exklave Büsingen, åba ohne Grénz im Bodnsee), im Südwestn ån Frånkreich (448 km), im Westn ån Luxmburg (135 km) und Belgien (156 km) und im Nordwestn ån dé Niedalånde (567 km). Dé Grénzläng betrågt insgesåmt 3757 km.^[1] Während im Nordwestn dé Küstn vau da Nordsee und im Nordosten dé vau da Ostsee dé natirlichn Stååtsgrenzen büidn, håt Deitschlånd im Südn Ånteil ån de Åipm.

[dro wärkln] Klima

Deitschlånd ghert zua gmäßigtn Klimazone in Midtleuropa. Is Klima wird a vom Goifstrom beêîflusst, der de klimátischn Werte fir d'Breitnlåg ungwénlich müid gschtåidt.

Extréme Wettabedingungan wia zum Beispüi lång ånhåitende Dürren, Tornados, an stréngan Frost oda a extréme Hitzn san vagleichsweis eißast söitn. Månchmåi kennan åba a Orkane auftretn, dé in dé Jåhrn 2000 und 2002 zu schware Schädn gfirt håbm.

[dro wärkln] Dierwöit

Dé meistn Tiere, dé wo in Deitschlånd hoamisch san, lebm in dé gmäßigtn Laubwöida. Im Wåid lebm åba a vüle Årtn von Mådan, Dåmm- oda Rothirsch, Reh, Wüidschweindln und Füx. Biba und Ottan san ziemle söitn gwurn.