Xeografía física d'Europa
De Uiquipedia
Xeográficamente Europa ye parte de la zona continental conocía pol nome d'Eurasia. Europa espárdese dafeitu por 43 países (ou 49 sigún criterios políticos) nuna estensión de 10.532.000 km². La orografía europea ye mui variada. Nesti continente viven 700 millones de presonas.
Las llendes ente Europa y Asia defínense xeográficamente polos Montes Urales nel este y l'Océanu Atlánticu nel oeste.
Las árias xeográficas prencipales d'Europa son de norte a sur:
- Península Escandinava
- Depresión xermano-polaco-rusa
- Alpes
- Península Balcánica
- Península Itálica
- Península Ibérica
Tabla de conteníos |
[editar] Clima
El clima d'Europa ye moderáu. Nas fasteiras occidentales correspuenden al dominiu atlánticu, con una temperatura media añal de 10ºC, amenorgandu col altor, y perabundantes precipitaciones, de nieve n'altura mentantu l'iviernu en buena parte de la Europa Setentrional. Nas fasteiras allugadas alreor del Mar Mediterraneu el clima ye mediterraneu, suave n'iviernu y calurosu en branu con escasas precipitaciones n'iviernu, primavera y outoñu.
[editar] Flora y fauna
N'Europa hai una grande riqueza d'especies vexetales y animales. Ente las vexetales domeñan nel norte, centru y norleste d'Europa los carbayos, arces, bidules, teixos, acebales y pinos, xunta a pastos de montaña y praeras alpinas nas rexones de los Alpes. Nel sur d'Europa atópanse enzineos, sufreirales y árboles frutales comu zreisales, piescales y laranxales.
La riqueza del reinu vexeta trae consigu una grande variedá de fauna. Dende los animales domésticos, pasandu polas vacas, ouveyas, cabras, caballos ou bueis ta outras especies salvaxes en perigru d'eistinción comu'l osu, el llobu, el xabaril, l'esguilu, la llóndriga, l'argaille, el venáu ou'l robezu.
[editar] Ríos y llagos
Los ríos más llargos d'Europa son:
- Volga 3,690 km
- Danubiu 2,860 km
- Ural 2,428 km
- Dnieper 2,290 km
- Don 1,950 km
- Pechora 1,809 km
- Kama 1,805 km
- Oka 1,500 km
- Belaya 1,430 km
- Nistru 1,352 km
- Rhin 1,320 km
- Elba 1,165 km
- Vístula 1,047 km
- ríu Sava, 933 km
Los llagos máis grandes son:
- Llagu de Costanza
- Llagu Doiran
- Llagu de Llemán
- Llagu de Lugano
- Llagu Maggiore
- Llagu d'Ohrid
- Llagu Peipus
[editar] Montes y cordales
La orografía europea ta domeñada polos Urales nel leste, los Alpes en Centroeuropa y los cordales de las penínsulas balcánica, itálica ya ibérica nel sur.
Ente los cordales máis importantes d'Europa tan:
- Alpes
- Apeninos
- Cárpatos
- Cáucasu
- Cordal Balcánicu
- Macizu Central
- Pirineos
- Urales
