Les Noticies
De Uiquipedia
Les Noticies ye un selmanariu asturianu fundáu n'Uviéu en 1996 pola editorial Publicaciones Ámbitu. Defínese como "Selmanariu independiente d'información xeneral". Anguaño, el so direutor ye Ramón Lluis Bande.
Tabla de conteníos |
[editar] Hestoria
El númberu 1 del selmanariu Les Noticies salió a la cai el 6 de setiembre de 1996. N'agostu d'esi añu, nel marcu de la Feria Internacional de Muestres d'Asturies, presentose el númberu cero con una bultable repercusión: yera'l primer periódicu escritu dafechu n'asturianu desde qu'en 1901 apaeciera en Xixón el primer númberu del selmanariu rexonalista "Ixuxú". N'aquella presentación en sociedá, l'editor de Les Noticies y primer direutor del periódicu, Inaciu Iglesias, afitó les llínies maestres del proyeutu editorial: «El nuestru compromisu ye colos asturianos, colos nuestros llectores y cola so cultura particular. Esi vínculu éticu vamos a renovalu selmana a selmana hasta consiguir asentar un proyectu a toes lluces necesariu». El periódicu xurdió de la iniciativa de la que hasta entós yera la asociación culturál Ámbitu, enfotada en desenvolver delles actividaes alrodiu la espublización de textos n'asturianu. L'asociación, encabezada por un grupu d'empresarios, decide profesionalizase y conviértese en Publicaciones Ámbitu S.L., empresa editorial que márcase l'oxetivu de la rentabilidá n'un mercáu entós por esplorar: el de la prensa n'asturianu. Les Noticies nacía asina como'l primer proyeutu profesional de la hestoria de los medios de comunicación en llingua asturiana. El selmanariu entama la so xera dende'l Centru Européu d'Empreses de Llanera, nel que permanez hasta'l treslláu de la so redacción al centru d'Uvieu. Dende'l so orixe, empréntase na planta del diariu El Comercio en Xixón.
[editar] Estructura formal
Dende la so apaición, Les Noticies caltién una estructura en cinco columnes y ente 24 y 32 páxines. El diseñu y la distribución en seiciones fuere camudando: el primer exemplar yera en blancu y negru con una distribución en seiciones similar al d'un diariu. Col tiempu, el periódicu introduz color nes sos páxines primera y cabera, y afita dos grandes seiciones: Actualidá, centrada nel analis políticu, y Sieglu XXI, pa temes de cultura y sociedá.
[editar] Difusión
A falta d'un control de muérganos independientes, la editora de Les Noticies fala dende l'iniciu de la so actividá d'una tirada de 5.000 exemplares y alrodiu 20.000 lectores. Distribuise en milenta puntos de venta n'Asturies y tien como soscriptores a un cientu centros asturianos del mundu.
