Compay Segundo
De Uiquipedia
Máximo Francisco Repilado Muñoz, conocíu artísticamente como Compay Segundo, yera un músicu y compositor cubanu. Nació en Santiago de Cuba, el 18 de payares de 1907 y morrió en L'Habana, el 14 de xunetu de 2003.
Llegó a ser un popular compositor y intérprete, bien conocíu ente los amantes de la música cubana. Entamó tocando la guitarra, el clarinete y el bongó. Foi l'inventor del armónicu, un instrumentu de siete cuerdes, que comparte rasgos de la guitarra española y el tres cubanu. Tamién tocó la tumbadora.
Entamó la so carrera musical bien mozu cuando compuso les sos primeres canciones y tocaba en grupos de Santiago.
En 1988, participa nel festival organizáu pol Smithsonian Institute de Washington y el musicólogu cubanu Danilo Orozco, como invitáu especial del Cuarteto Patria, y interpreta por primera vez Chan Chan qu'entaina a convertise nun clásicu del son cubanu.
En 1992, graba a dúu con Pablo Milanés, el cantante cubanu de mayor sonadía de la nueva trova.
En 1994 recuerre Europa col so cuartetu «Compay Segundo y sus Muchachos» con Benito Suárez (guitarra), Hugo Garzón (cantante y maraques) y el so fíu Salvador Repilado (baxu).
Pero la so fama internacional llegó-y en 1997, cola so participación nel discu Buena Vista Social Club, producíu por Ry Cooder col que ganó varios premios Grammy. Compay Segundo apareció también na película del mesmu nome realizada posteriormente por Wim Wendres.
Morrió en L'Habana debido a una insuficiencia renal, a los 95 años.
