Nazionalismo aragonés
De Biquipedia
O nazionalismo aragonés ye conzeuzión politica que esfiende que Aragón tiene istoria, luenga, lais y cultura propios ta tener una mayor autonomía u encluso estar una nazión independién. Un d'os simbolos més emplegatos ye a estrelada aragonesa, formata por as cuatro barras d'Aragón y una estrela roya en o meyo.
Os prenzipals partius aragonesistas son:
- CHA: Chunta Aragonesista
- PAR: Partiu Aragonés
- INAR: Iniziatiba Aragonesa
[Editar] Istoria
Dende lo emprenzipio d'o sieglo XVIII, n'o que Aragón pierde definitibamén la suya independenzia politica, la sensazión d'una unidá nazional ye considerata de trazas esbagariatas per la poblazión aragonesa, encara que en dingún inte se dixan de tener claras belunas d'as caracteristicas que composan lo territorio e lo pueblo aragonés, fruito d'a continuidá multisecular d'Aragón como reino sobirán.
Manimenos, no estará dica lo sieglo XX, en 1919, que encomenzará á alufrar-se politicamén una bisión d'Aragón de caráuter nazionalista n'as pachinas de El Ebro, la rebista d'a Unión Regionalista de Barcelona, que dimpués se clamaría Unión Aragonesista. D'entre toz es nombres, bi descollarían dos feguras: Gaspar Torrente e Julio Calvo Alfaro.
