Fuellas
De Biquipedia
Fuellas d'informazión d'o Consello d'a Fabla Aragonesa, coloquialmén Fuellas, ye a primera e más beterana rebista feita de raso en aragonés. Ye a publicazión periodica, no diaria, más antiga d'Aragón, pos contina editando-se dende 1978.
Se zentra en informazión d'autualidá sobre l'aragonés e a cultura feita en aragonés: literatura, amostranza, publicazions, politica lingüística, testos populars, autibidaz, ezetra. Almite rezensions de publicazions, testos curtos de creyazión literaria e bels treballos d'imbestigazión u de replega arredol de o lesico, a gramatica u atros aspeutos de l'aragonés. Ye bimestral e cada lumero, por un regular, gosa tener entre 20 e 32 planas.
