Tuniberg
Us der alemannische Wikipedia, der freie Dialäkt-Enzyklopedy
Dr Tuniberg isch e Erhebig im Brisgau, wo sich mit 265 m Höchi nur wänig yber die Oberrhinisch Diefebeni erhebt, wo do circa 190 m yber em Meeresspiegel lit.
Säll isch allerdings im wohrste Sinn vum Wort numme oberflächlich eso. Datsächlich isch dr Tuniberg die westlichst Scholle vu dr Vorbergzone vum Schwarzwald, wo noch us dr Ebeni rusluegt. Dr Steilhang am Westrand goht geolgisch circa 4 km dief abi un bildet demit d'Grenze zum eigetliche Grabebruch, wo mit Chies und Sand vu dr Alpe ufgfüllt isch.
Insofern underschidet sich dr Tuniberg als Vorberg geologisch erheblich vum wänig nördlich glägene, vulkanisch prägte Kaiserstuehl. Allerdings isch dr Tuniberg wie die undere Häng vum Kaiserstuehl vu mächtige Lessablagerige bedeckt.
Dr Berg het e Nord-Süd-Usdähnig vu öppe 9 km un e Ost-West-Usdähnig vu 3 km. Rund um dr Tuniberg lige, ufglistet im Uhrezigersinn, im Norde Gottene, im Oste die zue Friburg im Brisgau ghörige Ortschafte Waltershofe, Obfige mit St. Nikolaus, Dienge un Munzige, im Weste die zue Brisach ghörige beide Ortschafte Oberrimschige un Niderrimschige sowie Märdinge.
[ändere] Wibau
Uf dr yberwigende Chalchstei-, Löss-, un Leimböde waxe verschidini Burgunder- un au Müller-Thurgau-Räbe.
Dr Tuniberg bildet e eigene badische Wibauberiich (Grosslag "Attilafelse").
[ändere] Webgleicher
| Koordinate: 48° 02′ 25" N, 07° 43′ 38" O |
