Slinky
Us der alemannische Wikipedia, der freie Dialäkt-Enzyklopedy
Under em Begriff Slinky verschtaht mer entweder äs Schpilgrät in Form vonere Schpirale oder dänn liechti Chleidigsschtück.
[ändere] Schpilgrät
Än Slinky isch än Art langzogni Schpirale wo meischtens us Plastik oder Metall baut isch. Oft wird er drdur brucht, dass mer en uf de oberschti Tritt vonere Stäge leit und em dänn än Schupf git. De Slinky wanderet denn sälbschtändig Stufe für Stufe abe. So ähnlich eifach in gross git's au e Nummere vo Mummeschanz.
[ändere] Chleidig
Als Slinky-Chleidig bezeichnet mer eher liechti Chleider mit dünnem Stoff. S'git zum Bischpil Slinky-Röck oder au Slinky-T-Shirts.
