Schamhaar
Us der alemannische Wikipedia, der freie Dialäkt-Enzyklopedy
Mitm Schamhaar wird d Behoarung vun d männlichi un wiblichi Gschlechtsorgane un dr ôngrenzendi Regione bezichnet, wuä sich mitm Beginn d Pubertät mit d sekundäre Gschlechtsorgane usbilde.
D Schamhôr sin meischt kräftigr un dunklr viä biem Kopfhôr, bi Rothôrigi, sähr Hellblondi un Schwarzhôrige glichfarbig. Bi Europäer sin s hifig glockt odr kräuselt, bi Afrikaner engkräuselt un bi Asiate un d ômerikanisch Uriwohner ändr glatt un schtärkr ôliegend. Au d Hôrdichti un s Mass d Usbritung sin gnetisch bdingt un dôher indviduell vschiedä. Däbi fallt uff, des d Schambehôrung vun Männer genrell wicher isch als bie d Fraue.
Biologisch stihn d Schamhôr, wia au d Achselhôr, im Dienscht d Verdunschtung d Duftdriise-Sekrete fyr d gschlechtsschpezifischi Körpergruch im Scham- un Leischteberich, wu sichr in dr Fryhzit d menschlich Abstômmung, wie bi dr ôndri Primate un dr ôndri Seigetier hit nô, ä grössri Beditung ghet hat. Usserdem diene s au zuem Schutz vor Fremdkörper un Krônkhitserreger.
D vollschtändig odr fascht vollschtändig Entfernung vun d Schômhôr nennt ma Intimrasur, die nuer tilwis Entfernung vun d Schamhôr (vor allim sitlich zu d Oberschenkel) in d Bikinizin bi d Fraue isch viel vbritet un wird au Bikinirasur gnennt. Dr Iibergông zwische beidi Variante isch fliessend. Abr au d komplett Intimrasur erfrejt sich in Europa vorallm bi d junge Generation immar grössri Bliebthit. Des gilt, in nicht gônz so schtarkem Ussmass wiä bi d Fraue, mittlerwil au fyr Männar. Im Islam isch d Entfernung vun d Schamhôr fyr Männar un Fraue vorgschriebe.
Schamhôr beginne in d Pubertät zwachse, bi Mädle etwa abm 10. un bi Buebe ugfähr abm 12. Lebensjôhr. Form, Farb un Dichti kinne sehr variiere, wil s genetisch voônlagt sin. Bi Fraue bedecke d Schamhôr d issere Schamlippe, wubi s d Form vun nem uf d Kopf gschtellte Dreyeck het. Bi Männar wachse d Schamhôre ufm Hodesack un um d Penis rum, dôbi hen s oberhalb vum Penis au d Form vun nem uf d Kopf gschtelltis Dreyeck, wia au bi d Fraue. Bi ugfähr 80% vun d Männar wachse d Schamhôr in 'ra gradi Linie bies zuem Buchnabel nuf, odar a wachse in d Form vun nem normal Dreyeck bis zuem Buchnabel. In däm Fall sieht den d Schambehôrung rautenförmig us. Schamhôr sin generell längar un lockigr als ôndri Körperhôr, un s zähle zue d issere Gschlechtsmerkmal.
Der Artikel basiert uf ´ra freie Ibersetzung vum Artikel „Schamhaar“ us dr dytsche Wikipedia.
