Blasmusik
Us der alemannische Wikipedia, der freie Dialäkt-Enzyklopedy
Blosmusik isch ä Oberbegriff für Musik, bi dere nur odr gröschdedeils nur Blosinstrument iigstezt werde.
[ändere] Historisch-Hysterisches
I üsere Gegend hätt sich schu früeh s Musikmache mit Blosinschtrument dure gsetzt. Hiwiis doh druff hätt mr zum Bischpil z Waldshuet uhgfähr 1753 odder z Schtüehlinge 1785 gfunde.
Relativ gli hänn sich zu sellere Zit denn d Inschtrument vu de sog. "Türkische Musik" dure gsetzt, sell sinn vu allem d Großi Trummle, d Becke un de Schellebaum gsi, wo dört dezue cho sin. Villicht isch sell de Grund, wieso eim hütt noh sell Tschätterleglump mengmoll uheimlich isch.
D Musike früener sinn vill chliner gsi, wie s hütt üblich isch. Uff ahlte Bilder cha mr mengmol nu zeh odder zwölf Chlünggi zelle. D Betonnig liit vu allem uff Chlünggi, well Chlünggine hätt bis zum Zweite Wältchrieg i üsere Musike nitt gäh.
