Apeiron
Us der alemannische Wikipedia, der freie Dialäkt-Enzyklopedy
Ds Wort Apeiron isch eigentlich ä philosophischä Begriff. Wörtlech übersetzt heissts sofiu wiä ds "gränzälosä" oder ds "unbestimmbarä". Mit bringt dä Begriff hüffig o i Verbindig mit äm Anaximander, das isch ä Philosoph gsi wo vor Sokrates het gläbt (610-546 v. Chr.). Är het ä Theorie gha, was am "Afang" vo üsärä Wält isch gsi, är het bhouptet ds Apeiron. Im gägäsatz zum Thales vo Milet (624-546 v. Chr.) und äm Anakimenes (585-525 v. Chr.) isch är dr erscht gsi wo nid eifach het gseit, das ds Wasser oder d' Luft dr Ursprung vo üsärä Ärdä isch gsi. Sondern äbä öppis unbeschriblchs Unbeschränkts, wo wie nä Urenergie isch da gsi. Är isch o dr Meinig gsi, das ds Apeiron ä Ursubstanz isch, wo ä ständigi Bewegig het, und dadrus sigä alli Element entstandä.
