Albin Braig
Us der alemannische Wikipedia, der freie Dialäkt-Enzyklopedy
 |
Dialäkt: Schwäbisch |
Albin Braig (* 1951 en Stuttgart) isch dr Sohn vom Otto Braig. Aufgwachsa isch er en Weilimdorf. Heit lebd r en Herraberg. Er isch glerntr Schriftsetzer. Sei Vattr hot domols 1985 die Komede-Scheuer en dr Mäulesmühle gegrindet.
Dr Albin hot Johrzehnde lang an dr Seit von seim Vaddr en dr Komede-Scheuer gschbield.
Seit 1994 tritt dr Albin Braig mit´m Karlheinz Hartmann reglmäsich en dr Komedereih "Hannes und der Bürgermeister" uff.
Sei Sohn, dr Bastian Braig, produziert enzwischa dia ganze Sendunga ond Theatrschtickla.
Seit 2004 gibds jetzt a oigene reglmäsiche Färnsähsendong em SWR: "Freunde in der Mäulesmühle" wo dr Albin mit seim Fraind Karlheinz Hartmann Gäschd eilada duat, mit Sketch on Mussig. Fir d Mussig sorgt Herrn Stumpfes Zieh- und Zupfkapelle.
