Inheemse gelowe en animisme
vanuit Wikipedia, die vrye ensiklopedie.
BAIE Suid-Afrikaanse swartmense glo steeds aan voorvaderlike geeste, ofskoon hul geloof sterk vermeng geraak het met Christelike en ander gelowe. Hoewel hulle dus aan 'n Oppergod glo, word steeds gedink dat gestorwenes 'n invloed op hul lewens kan uitoefen.
Die sangoma of toordokter speel ook 'n kardinale rol in hul religie. Die sogenaamde tokkelossie is weer vir hulle die verpersoonliking van 'n kwaadwillige gees. Animisme is die geloof dat daar 'n siel in alle dinge sit, wat verklaar hoe 'n mens "getoor" sou kon word deur byvoorbeeld 'n klossie hare wat op jou werf begrawe is.
