Gebruikerbespreking:EvZ
vanuit Wikipedia, die vrye ensiklopedie.
Welkom by die Afrikaanse wikipedia!
Sien gerus Welkom nuwelinge. --Alias 11:23, 5 Januarie 2006 (UTC)
Inhoud |
[wysig] 23 April
Haai EvZ
Ek sien pas jou wysiging by April 23 (wat natuurlik by 23 April moes wees, maar ek sien dié bestaan reeds). Die skakel na Sojoes 1 het bestaan, maar as mens dit nou verander dan wys dit na niks nie. As die artikel geskuif moet word, of as daar 'n aanstuur gemaak moet word, doen dit gerus. So verseker ons dat die dokumente met mekaar skakel en artikels bekombaar bly. Miskien wil jy April 23 en 23 April vergelyk en kyk of daar iets kortkom. 23 April sal die uiteindelike artikel moet wees met April 23 wat net aanstuur soontoe. Groete, Alias 14:08, 11 Januarie 2006 (UTC)
- Sjoe, ek het nie besef hoeveel werk ek jou besorg het nie :-) Ek het te vinnig gekyk en gedog hulle is min of meer dieselfde. Dit lyk in elkgeval nou heelwat beter. Ek het nog bietjie aan 'n paar goeters gefroetel. Ongelukkig was daar vantevore 'n klomp gemors met die datumbladsye en ons sukkel nou al 'n hele ruk om dit mooi uitgewerk te kry. Dankie vir jou hulp! Die geboorte- en sterfteafkortings is ongelukkig 'n ander sakie. Ons het 'n ruk terug op 'n formaat besluit wat * en † gebruik, maar intussen was daar weer onenigheid. Ek voel dat die een wat die werk doen so min of meer kan besluit, maar verkieslik moet ons dit konsekwent hou met wat daar reeds is (dus * en †). Ons kan joune maar vir eers so los. Dit is darem nie werklik onduidelik of iets nie. Persoonlik probeer ek wegbly van afkortings in artikels, omdat dit lees kan bemoeilik, maar nou-ja, dis maar net een van die vele vreemde dinge wat ek hier doen :-) --Alias
[wysig] Taalversorging
Haai EvZ!
Dankie vir die werk met die taalversorging. Ek is bly as ons meer is wat darem vir spelling en so aan kan nagaan. Hou so vol! --Alias 17:47, 10 Februarie 2006 (UTC)
- Jy kan maklik antwoord deur op enige "wysig"-skakel op die bladsy te klik, net soos by artikels. Dus, "wysig" bo-aan, of by enige afdeling, as daar al afdelings geskep is. As jy lank ná 'n boodskap antwoord, is dit dalk 'n idee om op die gebruiker se besprekingsblad (vir my, dus by Gebruikerbespreking:Alias) 'n boodskap te los, anders besef hulle dalk nie dat jy geantwoord het nie. Moenie kommer oor of baie of min gedoen word nie - elke bietjie help, veral met taalversorging. Party dae kan ek net een spelfout regmaak. Ander keer vee ek een stukkie vandalisme uit. Ander dae het ek meer tyd en kan 'n hele artikel nagaan, of self skryf. Ek glo dat ons só wel 'n wonderlike ensiklopedie gaan bou, al neem dit 'n rukkie tyd. Oor spesifieke wenke - dit kom maar met tyd. Hou maar ook dop wat ander doen (veral nadat jy geredigeer het). So kry mens 'n idee van wat die gemeenskap verlang. Maar voeg gerus jou eie insigte en fokuspunte tot ons maniere toe! As jy hou van lees voordat jy doen, kan jy dalk loer by Wikipedia:Beleid. As jy hou van baie lees en niks doen, kan jy al die Engelse beleid ook lees :-) Daar is eenvoudig te veel :-) Groete, Alias 19:17, 12 Februarie 2006 (UTC)
[wysig] Kambuses
Haai EvZ, het jy my kommentaar by Bespreking:Kambuses gesien? --Alias 15:47, 8 Maart 2006 (UTC)
- Sommer 'n vinnge wenk/opmerking nou dat ek sien jy werk ook aan die kategorieë (ek wil juis 'n groot poging met kategorisering insit): As die kategorienaam onderaan die artikel rooi is, beteken dit dat die kategorie geen teks bevat nie. Vir meeste kategorieë wil ons dit in ander betekenisvolle kategorie(ë) sit sodat dit alles uiteindelik vanaf die wortelkategorie, Kategorie:Alles, opgespoor kan word. (Dit hoef dus nie teks in die normale sin van die woord te bevat nie, slegs kategorisering). Ek is opgewonde oor hierdie verbetering. (O-ja, en ek sien uit na nog artikels oor klassieke musiek :-) Groete, Alias 13:49, 4 April 2006 (UTC)
[wysig] Taalkenner
Ek is nogal opgewonde om te sien dat ons 'n taalkenner nou ook in ons geledere het! --RM 10:21, 6 April 2006 (UTC)
