香港特別行政區行政長官

出自維基百科，自由嘅百科全書


本條目為香港政治系列之一
《基本法》
香港政府行政長官行政會議行政部門公營機構立法會區議會司法終審法院法律制度 - 法例
選舉 – 政黨主權移交後政制改革殖民地時期政制改革
港區人大代表港區政協委員
其他香港系列
文化 - 經濟歷史 - 地理- 教育香港主題首頁

香港特別行政區行政長官（取「特區首長」簡稱為特首），係中華人民共和國香港特別行政區政府嘅首長和香港特別行政區嘅最高代表。現時係由分別嚟自38個界別分組，代表唔同行業、專業、勞工、社會服務團體及區域組織嘅800人組成的選舉委員會選出，中華人民共和國國務院任命。其主要責任包括：

領導香港特別行政區政府
執行香港基本法同埋香港特別行政區法律
簽署、公報並向中央人民政府備案由香港立法會通過嘅法案同政府嘅行政指令
建議中央任命或免除主要官員、各級法院法官及公職人員嘅職務
赦免或減輕刑事罪犯嘅刑罰及處理請願、申訴事項

根據《基本法》規定，香港特別行政區行政長官每屆任期為5年，每人只可以連任一次。如果行政長官喺任期完成之前因事離任，繼任人應該喺6個月內產生。2005年，全國人民代表大會常務委員會以解釋基本法方式說明補選的行政長官只係完成前任剩低嘅任期。

香港特別行政區第一、二屆（部份）行政長官是董建華。2005年 3月12日，佢喺未完成第二任期嘅情況下以健康理由辭職。董建華辭職之後，按照《基本法》規定，由當時任政務司司長嘅曾蔭權署理行政長官職務。

香港特別行政區現時嘅行政長官係曾蔭權。佢喺2005年6月16日成為行政長官補選中嘅唯一候選人，因此根據《行政長官選舉辦法》自動當選，6月21日中央政府任命佢做行政長官，即日就任，並喺6月24日赴京正式宣誓就職。

[編輯] 參選資格

香港特別行政區永久性居民中嘅中國公民，喺外國無居留權
年滿40歲
喺香港通常居住連續滿20年
唔少於100名選舉委員會委員提名

[編輯] 產生辦法

根據《基本法》嘅規定，行政長官由選舉委員會選舉產生。
1997年第一屆行政長官由第一屆嘅選舉委員會選出，成員400人，由中央政府任命。2002年第二屆特首由同一選舉委員會選出，成員800人。2005年第二屆特首補選已經喺2005年7月10日舉行，選舉委員會成員大致同原有嘅相同。有缺位嘅選舉委員會委員就由同立法會同一功能組別嘅選民（各界別合共160,000人）選出。2007第三屆特首選舉內容仍然未有定案，但2004年4月26日嘅第10屆人大常務委員會第九次會議已經否定咗2007年普選特首、2008年普選立法會嘅可能。

[編輯] 歷任行政長官

任期	行政長官	籍貫	生卒日期	任職期
1	董建華	浙江省舟山市	1937年7月7日－	1997年7月1日-2002年6月30日
2	董建華	浙江省舟山市	1937年7月7日－	2002年7月1日-2005年 3月12日
2（署理）^註1	曾蔭權	廣東省南海縣	1944年10月7日-	2005年 3月12日-2005年6月2日
2（署理）^註2	唐英年	江蘇省無錫市	1952年9月6日-	2005年6月2日-2005年6月21日
2	曾蔭權	廣東省南海縣	1944年10月7日-	2005年6月21日-2007年6月30日

註：

由2005年3月12日至6月2日期間因行政長官董建華請辭，由當時政務司司長曾蔭權署任行政長官。
由2005年6月2日至6月21日期間因署理行政長官曾蔭權參選行政長官競選，由當時財政司司長唐英年署任行政長官。
關於其他由於行政長官因公務﹑休假等事故產生嘅署任期間，並冇包括喺上面表裡面。

[編輯] 離任後待遇

2005年6月14日，香港特別行政區政府公布，決定原則上接納「行政長官報酬及離職後安排獨立委員會」喺2005年6月9日提交嘅報告。委員會由黃保欣擔任主席，委員包括鄭海泉、廖柏偉同埋梁國輝。

報告中建議：

前行政長官離任後3年內會受到離職後就業規管。
- 第1年，前行政長官唔可以從事任何工作或參與商業活動。
- 第2及第3年，喺展開任何工作或從事商業活動前，必須事先徵詢一個諮詢委員會的意見。
- 如果前行政長官喺呢3年期間接受中華人民共和國中央政府或香港特別行政區政府嘅委任，或從事學術或者慈善機構嘅工作，就一概可以獲得豁免。
前任行政長官會獲提供
- 前行政長官辦公室。
- 協助進行推廣同禮節性嘅工作。
- 行政支援。
- 汽車連司機嘅運載服務。
前行政長官亦可以享有禮遇安排同醫療及牙科福利。
視乎香港警務處嘅評估，前行政長官亦會獲提供特別保安服務。

[編輯] 參閱章節

香港總督

[編輯] 外部連結

香港特別行政區政府部門

首長：	行政長官（行政長官辦公室）
司長：	政務司司長（政務司司長辦公室下轄：行政署 \| 持續發展組 \| 效率促進組 \| 政府檔案處 \| 禮賓處）財政司司長（財政司司長辦公室下轄：經濟分析及方便營商處）律政司司長
決策局：	公務員事務局 \| 政制事務局 \| 教育統籌局 \| 環境運輸及工務局 \| 衛生福利及食物局 \| 民政事務局 \| 房屋及規劃地政局 \| 保安局（下轄：禁毒處） \| 工商及科技局（下轄：工商科 \| 通訊及科技科創新科技署 \| 政府資訊科技總監辦公室） \| 經濟發展及勞工局（下轄：經濟發展科旅遊事務署旅行代理商註冊處 \| 勞工處） \| 財經事務及庫務局（下轄：財經事務科保險業監理處、內幕交易審裁處、證券及期貨事務上訴審裁處 \| 庫務科稅務上訴委員會）
	中央政策組（下設：策略發展委員會） \| 特別行政區政府駐北京辦事處
部門：	入境事務處 \| 土木工程拓展署 \| 土地註冊處 \| 工業貿易署 \| 水務署 \| 公司註冊處 \| 公務及司法人員薪俸及服務條件諮詢委員會聯合秘書處 \| 民政事務總署 \| 民航處 \| 民眾安全服務隊 \| 地政總署 \| 投資推廣署 \| 法律援助署 \| 社會福利署 \| 知識產權署 \| 屋宇署 \| 食物環境衛生署 \| 政府化驗所 \| 政府物流服務署 \| 政府產業署 \| 政府統計處 \| 政府飛行服務隊 \| 政府新聞處 \| 律政司 \| 房屋委員會及房屋署 \| 香港海關 \| 香港電台 \| 香港郵政 \| 香港警務處（下轄：香港輔助警察隊） \| 香港天文台 \| 建築署 \| 康樂及文化事務署 \| 消防處 \| 海事處 \| 庫務署 \| 破產管理署 \| 差餉物業估價署 \| 規劃署 \| 勞工處 \| 稅務局 \| 渠務署 \| 路政署 \| 電訊管理局 \| 運輸署 \| 漁農自然護理署 \| 審計署 \| 影視及娛樂事務管理處（下轄：電影服務統籌科） \| 學生資助辦事處 \| 衛生署 \| 機電工程署 \| 選舉事務處 \| 環境保護署 \| 醫療輔助隊 \| 懲教署

Template:HK-govpoli-stub

由 "http://zh-yue.wikipedia.org../../../%E9%A6%99/%E6%B8%AF/%E7%89%B9/%E9%A6%99%E6%B8%AF%E7%89%B9%E5%88%A5%E8%A1%8C%E6%94%BF%E5%8D%80%E8%A1%8C%E6%94%BF%E9%95%B7%E5%AE%98.html" 接收

分類: 香港特區行政長官 | 香港政府 | 中華人民共和國政府