雨林
出自維基百科，自由嘅百科全書
雨林係指一個全年有高雨量嘅森林。定義上，雨林全年雨量最少要有1700到2000毫米。雨林多數係熱帶雨林，但係亦都有溫帶雨林。雨林裏面有嘅動植物有好多種。
最大嘅熱帶雨林響亞馬遜盤地，連埋中美洲尼加拉瓜嘅森林。其次係喀麥隆到剛果一片非洲森林。之後係亞洲緬甸到巴布亞新畿內亞嘅森林。澳洲東北面都有雨林。而溫帶呢，主要係北美洲，英屬哥倫比亞省，東南阿拉斯加，美國本土西北，亞洲格魯吉亞，歐洲巴爾幹，紐西蘭同塔斯曼尼亞。
雨林係有自己嘅碳循環，整體來講，二氧化碳係排多過吸，不過對溫室效應影響輕微。之不過咁，雨林係響世界碳循環裏面係一個好穩定嘅池；當有人清走個雨林，就會放多好二氧化碳出來。雨林另一個作用係整涼透過佢嘅空氣。所以，雨林對全球氣候係好有影響。
雨林係地球三分二動植物品種嘅屋企。估計係有數以萬萬種計嘅植物，昆蟲，微生物都未畀人發現。而且，好多藥都係響熱帶雨林搵出來。
雖然雨林有咁多植物，其實佢嘅泥土唔係咁肥沃。原因係細菌好快將啲嘢腐欄，無乜腐植質留響度。所以響呢個過種裏面，鐵同鋁嘅氧化物就集中響泥裏面，泥變到鮮紅色，甚至搞到變成礦。響一啲後生地層，好似火山爆發殘留，就會肥沃好多。
雨林地下好少會有草，矮樹之類，原因係太少太陽光落到地。所以人或者動物可以響雨林度走。如果樹冠整爛咗，好快就有藤，樹叢，矮樹生出來。
