Vierzeye
Èn årtike di Wikipedia.
Vièrzie (F.:Willerzie), c'est in ptit ban d'Waloneye, rabané avou Djedene, sol vôye ki va so Vireux, è France.
- Vîs noms :Wilerceias (XII° s.) lu cawète vêrot du bas latin "ceia" (= demeure), k' a dné "céans" è francès. Wirlezies (1235); Willerzy (1554); Willersies (1604); Wilersy (1633); Villersi (1677); Villersis; Viliersie.
- Eplacmint sol daegn 49°59'00 N - 4°50'59 E
- Ecarts : les Ewes, Pont Colin, Marotèle.
- Djins :1830 : 516; 1910: 495; 1930: 470
- Eglîje du 1880, brûléye pås Almands lu 23 d'awousse 1914 ;nouvèle èglîje an 1928.
[candjî] Histwere
La tère du Vièrzie et sté tère frantche et indèpandante jusk' an 1680, cand lu viadje est sté rmètu avu la France. Rinduwe ås Bas-Payis an 1699, ile è passé ou duché du Lucsambourg.Duvant lu XIII° s., lu viadje astot, coume Fagnolles, dins djèron des Rumigny-Florennes, ène fwâte måjon ki les avot assudjètis al coutume du Ranwez.
Sul ban d' Vièrzie, gn avot in ptit fy " La Foyète" ki dépandot du Poilvache. Gn èyu ossi nin lon du viadje,in moustî båti dins les tchamps al place k' on loume co asteure : Ås carmes.
An 1914, combat atère les Almands et les Francès; bramint des touwés. Tout l' viadje mètu à feu, à pårt 2 måjons. Les Almands djint ku les civils avint tiré sur zès, motif k' il ont invoké partout adon.
Tins dul guêre du 40, Vièrzie astot sul vôye dul tchin.ne d'évazion pou voyî su Gibraltar les pilotes des avions anglès et amèrikins k'avint sté abatus. Lu curé d' Vièrzie et l'mayeur du Rienne, k' astint dins la fliére, ont sté hapés pås Almands et ont moru dins les camps du conçantracions an 1944.
C'est dlé Vièrzie k'an sètambe 1944, les prèmîs parachutisses beljes du Colonel Blondeel ont sté parachutés pouz êdî, avu l' Maki, les Amèrikins k'alint nous libèrer kékes djoûs pus tard.
