Li Clabot
Èn årtike di Wikipedia.
Li Clabot esteut-st ene gazete e walon ki rexheut totes les samwinnes a Lidje, di 1896 disk' å 20 di måss 1932.
Si dvize esteut Xhiltant totes les samwinnes et, a pårt des comunikés d' soces totafwait esteut fok e walon, minme l' adresse eyet l' pris metous sol prumire pådje. Si mwaisse-eplaideu fourit disk' e 1919 Théophile Bouvy. Mins l' åme del rivowe, kel fjheut viker, esteut Louis Tilkin; li gazete si djocrè po d' bon après s' moirt.
Li Clabot eplaida sovint des årtikes aspoyant li movmint walon, eyet po dmander li separåcion administrative (dj' ô bén, li federålijhaedje).
L' eplaidaedje est djoké tins del prumire guere daegnrece, et rprinde li 23 d' måss 1919; a tchaeke limero i gn a-st èn årtike politike po l' otonomeye walone.
E 1921, li gazete dimande ås léjheus di vôter po des politkîs ki disfindèt l' Walonreye åzès eleccions d' avri di ciste anêye la.
