Gaston Lucy
Èn årtike di Wikipedia.
Gaston Lucy (1898-1986), sipoté Li Singlé, c' esteut on foclorisse et scrijheu e walon.
A pårt kékès anêyes å Congo, wice k' il apurda l' kiswahili, il a passé si veye a Bive, on viyaedje d' Årdene, etur l' Aiwe-di-Lesse et Smwès. I fourit dins l' rezistance tins del guere 1940-1945.
Foclorisse et scrijheu walon dins les gazetes di Sint-Houbert, Gaston a scrît bråmint des contes so les fêyes, les Pépés u les Nûtons, les biesses et les oujheas, li Diale, les spots, l' istwere do viyaedje, les perlinaedjes, les dicåces, les fôres, et dj' è passe. Ses contes sont plaijhants; il aveut ene manire di s' fote on pô des djins, tot è lzî fjhant a dmey-mot l' morale.
Il a ossu leyî on motlî di 5-6.000 termes k' on-z eployive dinltins a Bive.
[candjî] Difoûtrinne hårdêye
- Pådje avou sacwants tecses da sinne
- Dipus d' racsegnes so s' vicåreye (da Louis Baidjot)
