Binamêye Revolucion
Èn årtike di Wikipedia.
Li binamêye revolucion, u Revolucion lidjwesse, c' est l' pumire des revintreyes el Principåté d' Lidje et e payis walon.
Elle a cmincî li 18 d' awousse 1789. Les conseyîs del comene fourît pités a l' ouxh del Viyolete. Li peupe loma deus noveas borguimwaisses Fabry et Tchestret.
Li capitinne Ransonnet, avou ene pougneye di sôdårds, s' a rindou mwaisse del citadele on-z a fwait ene croes so les reglumints k' el Prince Eveke aveut ponou et ki bouxhént les mestîs djus.
Li prince-eveke a siné, l' acoird, e si tchestea di Hesta.
Li binamêye revolucion a stî shuvowe d' on prumî radjocaedje, del deujhinme revolucion, do deujhinme radjocaedje (1792).
Dins les Bas Payis otrichyins (li restant del Walonreye d' ouy), gn a yeu so les minmes trevéns li Revolucion Braibançone.
Ci côp la, les Francès ont-st abroké el Principåté (1795). Ci fourit li cminçmint do redjime francès.
[candjî] Sacwants acteurs del Binamêye Revolucion
- Prince-eveke Velbruck
- Prince-eveke di Meyan
- Jacques-Joseph Fabry
- Jean-Remy d' Tchestret
- l' abé Ramoux
Djan-Pîre Ransonnet (Lîdje 1744-1796 ? ), on tins sôdârd po l' Ostriche, a sti è l' Amèrike po s'î bate po s'n' indèpandance èt, divinu djènèrâl dèl françèse armêye, s' a batu à Fleûru (1794) dizo lès ordes da Scherer. Onk di sès fis, Djak-Djosef a stî capitinne di batia. On ôte, Bartèlèmi-Gustave, aspirant d' marine, a moru à St Domingue.
