Åjhô
Èn årtike di Wikipedia.
Åjhô (fr: Aiseau, so plaece Aujô) est èn ancyin ptit ban del Walonreye, rebané avou ds ôtes viyaedjes po divni li novele intité di Åjhô-Préle.
- Limero del posse: 6250 (vî limero: 6268)
- Limero diyalectolodjike: Ch 62
- Arondixhmint: Tchålerwè
- Sipotaedje:
- Hamteas d' Åjhô: A Mnonri (fr: Menonri); Ougniye (fr: Oignies), avou on beguinaedje ou purade ene abeye d' omes ki les belès ouves d' ôr do mônî Ugo, fré do prumî priyeu (e 1180), polnut co esse veyowes å djoû d' ådjourdu.
L' etimolodjeye do no vént do walon "åjhea", avou l' foûme francesse del cawete -ea (-eau). Vî scrijhas: Aiseau (1265), Aysau (1343).
Ådvins |
[candjî] Istwere
Après des margayes inte li Dutcheye do Braibant eyet l' Conteye di Nameur, dipus d' on sieke å long, li signeurreye d' Åjhô passe podbon å Duk del Braibant e 1353. E 1625, li Tere d' Åjhô divna mårkizat, so ôrdonance da Flipe II d' Espagne
A stî evetchî d' Lidje, pu d' Nameur (1561), pu d' Tournai (1802).
[candjî] Djeyografeye
Viyaedje raiwî pa Sambe et pa Bieme.
[candjî] Industreyes
Foidjreye dispu l' 15inme sieke, poujhaedje di tcherbon å 17inme sieke. Societé "Les forges d'Aiseau", montêye a pårti d' oujhenes ki cmincît e 1863, et k' a bouté disk' e 1907. Fosses å tcherbon (1805-1960): S.A. des Charbonnages de Roton-Farciennes et Oignies-Aiseau. Verreyes: "S.A. des glaces de Sainte-Marie D'Oignies & S.A. des Produits chimiques d'Aiseau", k' ont stî å lådje disk' a 1931.
