Zeruzalemkerke
From Wikipedia
Eèn van de merkwoardigste kerken van Brugge is de Zeruzalemkerke. Z’eet ur defnitieve utzicht gekregen tussen 1470 en 1480. Volgens d’overleverienge is ’t un exacte copieë van de Illige Grafkerke ut Zeruzalem. De familie Adornes, die oarsproenkelik ut Genua afkomstig was, eet de kerke gebouwd en ’t was Anselmus Adornes die in 1470 en ’71 vo 14 moanden in Zeruzalem gewist was die de deefnitieve plannen utgevoerd eet.
De kerke is eigenlik un mausoleüm geworden vo Anselmus Adornes en ze vrouwe, Margaretha van der Banck. Under praalgraven stoan nog oltied in ’t midden van de kerke. Adornes was lid gewist van d’ Orde van de Schotse Eènhoor’n en persoanlikk'n advizeur van de Schotse keunink James III. Doarom is ’t moa zuste zun erte die in ze graf in Brugge ligt en de reste van zun lichaam in Schotland.
D’oarsproenkelike Illige Grafkerke in Zeruzalem is in de 16sten èèuwe afgebrand, woadeure da de Brugse versie den èènigsten is die un gedacht gift oe da ze der moet ût gezien en. In Brugge is de Zeruzalemkerke den ènigste kerke die gespoard gebleven is voa de bêeld'nstorm.
