Verona
From Wikipedia
Verona es nen stad in Itoalje. Verona ligt in't Nôorden van Itoalje, ip de grenze tussn de Po-vlakte en de Alpen en eit a peu pres 270.000 inweuners. Het ligt an de Adige rivier, een ziestrôom van de Po en dichte bie het Garda Meer.
[bewerk'n] Geschiedenisse
De êeste inweuners van Veronia woarn de Euganei in 550 vôo Christus. In 300 vôo Christus es Verona een Romeinse kolonie geword'n.
[bewerk'n] Bezienswoardigheed'n
Deur de rikke geschiedenisse van Verona zin der veel bezienswoardigheed'n in Verona. Tès gekoozn tot een UNESCO weirelderfgoedplekke. Het belangrikste monument es et Romeinse amphitheatre, de Arena, die gebouwd es roend 30 achter Christus. Tot ip vandoage speeln ze der tonjeelstikk'n in de zomer. Andere monument'n uut de Rominse tid zin het theoater, de Arco dei Gavi, de Porta dei Borsari en de Porta dei Leoni.
Uut de middeljeeuwn en loater zin vôorol de basiliek'n en keirk'n overgebleevn: de grôote Romoanse Basilica of San Zeno Maggiore, de Basilica de San Lorenzo, De St. Maria Antica en de St Anastasia zin de belangrikste.
Verona es ôok nog gekend voo een onôoglik balkonske: het balkonske woarda Romeo Juliet zoe anbeden ein (in het verhoal van Shakespeare.
In 2004 es in Verona ôok het Weireldkampioenschap Koerse ip de boane deuregegoan (gewonn'n deur Oscar Freire.
