Perse
From Wikipedia
- Dit artikel es geschreevn in 't Kortriks, en da zoe zôo moet'n bluuvn.
En Perse wa ôorsproenkelik en lange outen stoave of tiezje (frans: tige), geweunlik van twjee teut drie meitrs lank. 't Word es afkomstig van 't Franske perche.
Persen wirdn vele gebreukt rechtstoande per drie tôope gebondn om der persebôn'n te loaten lanksgroein. Persebônen zeun eigentlik de klemvarieteit van princessebôn'n (sperziebôn'n). De streukvarieteit noemn we uttebôn'n.
In de lôop de joarn zeun der modernere persen gebreukt vôor de bônekwjeek: olle péchjel (stoal) en plastiek beuzen voe den elektrik. Er wirden oak betoengizers gebreukt.
Persen wirden ôok vele gebreukt om mee te vissn; de visperse die dikwils in bamboe wa vôo 't gewicht ljeege 't houdn. Tegenwoordig zeun de vispersen gemakt lik beuzen met moderne kunstvezels (kôolstoffe, glasvezel) en resien'n.
De outen perse van twjee meiters tachentig is ôok an woapen in de tai-chi-chuan of tai-chi, en chineeske vechtsport.
In 't Vloams zeggen ze oak soms van iemand dattie en lange perse es.
't Word perse ei gjeen verband me 't nederlandse pers of persen: in Vloandren wordt dadde as presse of pressen eutgesproken, ôok van 't Frans dus.
