Lattestôor
From Wikipedia
Lattestôor (Nederlands: rolluik), mêervoud lattestôors. Vermoedelijk kom't t'word van en stôre (gordine) gemakt van latten.
En andr word es persienne van t'Frans. Moa de Franse persienne betêkent eigentlik en constructie met oal dan niet beweegboare lamellen vôo de zunne of the schermn.
Ne lattstôor bestoat ut nen ôop latten of lamellen die an mekoar vaste gemakt zin en die overdag ipgerold zin in nen bak boven de veistr. Der zit een bitje speelienge tussn de latt'n, moar oo de lattestôor rust ip de veisterbank, sluut'n de latt'n schôone tôope tot êen geheel da niet deurdringboar es voo zunlicht. Ge kunt et noa beneen loat'n vo u rutte oat donker wordt of oj wilt da ter nieman na binnen kan kiek'n. Lattestôors zin mêestal ut out of plastik gemaakt. E lattestôor trek j'up met e stôorlint, ol gebeur et 'n dag va vadoage oek ol vele med illetrik.
Der bestoat ôok nen industrieeln variant voo winkels, die dient om de winkel of te schermn 's nachts teegn inbroak. Zukke lattestoors zin mêestol ut metoal gemakt.
