Cyriel Van Hauwaert

From Wikipedia

Cyriel Van Hauwaert (officieel "Cyrille van Hauwaert"), geboren te Môorslee de 16de december 1883, gestorv'n te Zellik de 15 februoari 1974.

Cyriel Van Hauwaert wos als joenge knoap stoker in d'alkoholfabrieke van Camiel Lammertyn. Ie moste van zin boas ôok de handelsbriev'n ol up zmet zien velo roendbring'n, ofdat da nu in Môorsle wos of in Ostende. Camiel Lammertyn zoag algauwe dat Cyriel koersebêen had en kochte ne koersvelo vor em. Vanof zien 14 moest ie no Vrankriek in de stêenoavens goan werk'n. Da wos zwoar labeur vo winnig geld ... Doarom wilde hie in Vrankriek goan koers'n, omdat ie wiste da ze doa toamlik veel geld kosten verdien'n. De groate velofabriek'n hadd'n ol eigen ploeg'n en ne coereur krêeg materioal en helpers van under.

In 1907 trok Van Hauwaert noa Paries vo te proberen te starten in Paries - Roebei (Nederlands: Parijs-Roubaix). Moa van de direksje kreegt'en gêen gangmoakers. Ze wilden zien kost'n vo de terugreize betoalen, moar da wos nie nôdig: je wos me zien velo noa Paries gekom! Je startte toch, volgens de legende "met twêe reservetuben, twêe eiers en n floske limenoade". An den arrivee in Roebei wos tie twidde, na een volpartie kort vôor 't binnenrien van de velodrom! Twêe moanden loatre woen tie Bordeaux- Paries. Doardeure wierd ie in Belgje als nen nationoalen held ontvang'n.

De velosport wierd ôok van langsom poppulairdre. Vele joenge gasten begosten ôok te koers'n, omda ze zoag'n dat er mêer mee te verdiene viel dan met te goan werk'n. Van Hauwaert krêeg noamelik zêre n contract van ne Franske ploeg en je verdiende 3000 fr in e moand!

Ie wos dus eigentlik den êersten Flandrien en ie krêeg de bienoame "De Leeuw van Vloander'n".

In Môorslee es 't er n stroate genoemd noar em.

Cyriel "in actie"

[bewerk'n] Vôornamste uutsloagen

1907: 2e in Paries - Roebei
1907: 1e in Bordeaux - Paries
1908: 1e in Miloan - San Remo
1908: 2e in Belgisch kampioenskap
1908: 1e in Paries - Roebei
1908: 2e in Paries - Brussel
1908: 2e in Bordeaux - Paries
1909: 1e in Belgisch kampioenskap
1909: 1e in 2e rit Roende van België, Ieper
1909: 1e in 4e rit Roende van België, Noamen
1909: 3e in klassement Ronde van België
1909: 1e in 1e rit Tour de France, Roubei
1909: 1e in Bordeaux - Paries
1910: 1e in Paries - Mêende (Nederlands: Menen)
1910: 2e in Paries - Roubei
1910: 4e in klassement Tour de France
1910: 3e in Paries - Brussel

Cyriel met 90 jarige vader bie 't ouderlik uus in Slyps
1911: 3e in Belgisch kampioenskap
1911: 3e in Paries - Roubei
1911: 2e in Paries - Tours
1911: 2e in Zottegem
1911: 3e in Roende van Lombardije
1912: 2e in Zesdoagse van Brussel
1913: 2e in Bordeaux - Paries
1913: 2e in Paries - Brussel
1914: 1e in Zesdoagse van Brussel
1914: 3e in Bordeaux - Paries
1915: 1e in Zesdoagse van Brussel