Coxina
Da Wikipedia, ła ençiclopedia libara.
Co ła paroła coxìna o cuxina se intende tuto chel'insieme de pratiche e tradizsioni ligà al magnàr, e piesè in xenerałe ała preparazsion de robe da magnàr e da béar. Ogni paese del mondo gà ła só manièra de cuxinar e i só piati tipici.
Una de łe cuxine piesè rinomate in tel mondo ła xe cueła itałiana, che la vanta varie speciałità tipiche. In Italia ghe xe anca tante coxine regionałi, difuse solo in te na redjon o na xona jiografica.
Indice |
[modifica] La Coxina Veneta
La base de ła coxina veneta (e mìa soło veneta) ła xe sicuramente ła połenta, che ła se magna sia péna fata, sia brustolà.
Tra i vari piati e prodoti tipici del Veneto ghe xe i seguenti:
[modifica] Primi
- i bigołi co l'arna
- i bigołi in sardeła
- ła pasta e fasoi
- ła minestra de risi e bisi
- el risoto al'isolana e cueło col tastasal
[modifica] Secondi
- el bacalà ała vicentina
- el léso con la pearà
- ła pastisada de muso
- połenta e osei
- połenta e scopeton (che sarìa l'aringa fumegà)
- łe sardełe in saor
[modifica] Torte e Dólxi
- łe fritole de Carneval
- i gróstoli, altro dolxe de Carneval
- el Pandoro de Verona
- el salame moro o salame dolce
- i biscoti xaeti
[modifica] Prodoti tipici
[modifica] Le arte da coxina
Tra łe varie arte (atrezsi) che se dopara in coxina ghe xe el piron, el cortel, el cuciàro o sculiaro, el mestoło (minèstro) par misciare ła pasta o altre robe, el pasìn par filtrar i liquidi, ła gratarola par gratar el formajo e tanti altri strumenti e atrézsi vari.
