Ekilibriong Kimikal

Mula sa Tagalog Wikipedia, ang malayang ensiklopedya.

Kinakailangang isaayos ang artikulong ito upang umayon sa mas mataas na pamantayan ng kalidad.
Para matulungan ka, tingnan ang Kung Paano Magbago at Istilo at Paano-gawin, o ang pahina ng usapan ng artikulong ito.

Sinasabing ang isang pagsasanib ay nasa ekilibriong kimikal (o kapanatagang kimikal) kapag walang pagbabago sa paglakad ng panahon ang konsentrasyon ng mga magsasanib (reactants) at mga produkto ng pagsasanib (products). Karaniwang nangyayari ito kung saan ang pasulong na pagsasanib ay tumatakbo kapareho ng pabalik na pagsasanib. Hindi sero o hindi gumagalaw ito, subalit magkatumbas ang takbo ng pasulong at pabalik na pagsasanib. Dahil dito walang netong pagbabago sa konsentrasyon ng mga magsasanib at produkto. Tinatawag ng dinamikong ekilbrio ang prosesong ito. ^[1].

[baguhin] Konstant ng Ekilibrio

Ang isang halimbawa ng isang pagsasanib na nasa ekilibrio ay sa pagitan ng ferric nitrate at potassium thiocynate. Ang mga ion ng Fe³⁺ at SCN⁻ ay nagsasanib upang makabuo ng FeSCN²⁺, na kulay pula. Ito ay tinatawag na isang red complex ion.

Tunghayan ang sumusod na palansak na baliktaring pagsasanib

$mA + nB \leftrightarrow pC + qD$

Itinatakda ng konstant ng ekilibrio K_eq bilang

$K_{eq} \equiv \frac{\left[C\right]^{p} \left[D\right]^{q}} {\left[A\right]^{m} \left[B\right]^{n}}$

Ang [A],[B], etc. ay kumakatawan sa aktibidad o kilos kimikal ng mga magsasanib at produkto na kung minsan ay itinataya sa paggamit ng konsentrasyong molar at kung sa pagsasanib sa gas phase, ay paggamit ng mga partial pressures na nagbibigay ng estimasyon ngunit simpleng konstants ng ekilibrio K_c at K_p sa isa’t-isa.

Sinuman ay makagagawa ng isang solusyon na kung saan ang ratio ng konsentrasyon sa kanan ng ekwasyon (na tinatawag na reaction quotient) ay hindi katumbas ng K_eq. Ang konsentrasyon nito ay wala sa ekilibrio. Magsisimula itong magbago hanggang ang ratio ng konsentrasyon ay makatumbas ang K_eq. Kaya, ang konsentrasyon sa sistemang ito ay nasa ekilibrio (i.e., hindi nagbabago sa panahon) lamang kung ang reaction quotient ay katumbas ng K_eq, at vice versa.

Gayunman, ang pagdaragdag ng isa sa mga magsasanib (halimbawa’y ng [A]) sa isang sistemang nasa ekilibrio ay magbubunsod na tumakbo pakanan ang ekilibio (i.e., patungo sa mataas na konsentrasyon ng [C] at [D] at mababang [B]). Ang dagliang pagdaragdag ng [A] ay magpapabilis sa paggawa ng C at D at mabilis na pagkawala ng B kaysa sa pabalik na pagsasanib. Sa kalaunan, mararating ng sistema ang bagong punto ng ekilibrio na kung saan ang ratio ng mga konsentrasyon ay katumbas ng K_eq.

Sinasabing nasa malayong kanan ang posisyon ng ekilibrio ng isang pagsasanib kung ang lahat ng magsasanib ay ubos na at malayong kaliwa naman kung kakaunting produkto ang nabuo mula sa mga magsasanib. Ang pagbabago ng mga kondisyones ng isang pagsasanob ay mag-uusad pakanan o pakaliwa sa ekilibrio.

Mababago ang sinetika (kinetics) ng isang pagsasanib nang walang pagbabago sa konsentrasyon ng ekilibrio nito. Ang konstant ng takbo ng pasulong at pabalik ay parehong mapararami ng parehong factor nang walang epekto sa kanilang ratio (ang konstant ng ekilibrio). Ang situwasyong ito ay madalas na nangyayari kapag ang isang katalisador (catalyst) (tulad ng isang ensima) ay idinagdag sa isang pagsasanib. Kaya, ang parehong konstant ng ekilibrio ay makikita sa mabibilis at mababagal na pagsasanib. Hindi ito nagpapahiwatig na ang isang mabilis na pasulong na pagsasanib ay mabubunga ng isang ekilibrio na nasa malayong kanan.

Datapuwat ang ekilibriong kimikal ay sinetikang itinatakda (pasulong at pabalik na takbo ay magkatumbas), ang mga katangian nito ay termodinamikong mapag-aaralan, i.e., mula sa mga malayang enerhiya ng magsasanib at produkto. Ang pangunahing ekwasyon ay ang

$\Delta G^\circ = -RT \ln K_{eq}$

kung saan ang ΔG° ay ang diperesnya sa istandard na malayang enerhiya sa pagitan ng produkto at magsasanib (e.g., sa kcal/mol), T ay ang absolutong temperatura sa kelvin at ang R ay ang universal gas constant. Dahil dito, ang konstant ng ekilibrio ay nakadepende sa temperaturang T at gayundin sa baryabol na umaapekto sa ΔG°, tulad ng temperatura, pH, ibang pantunaw, atbp.

[baguhin] Mga halimbawa ng ekilibriong kimikal

Isa na karaniwang halimbawa nito ay ang Haber-Bosch process, kung saan ang hidroheno at nitroheno ay nagsasama upang makabuo ng ammonia (amoniako). Ang ekilibrio ay narating na kapag ang takbo ng produksyon ng ammonia ay katumbas ng kanyang takbo ng dekomposisyon (pagkagiba) nito. Ipinakikita ng Le Chatelier's principle ang matanging paghula na magagawa tungkol sa isang ekilibriong kimikal.

Ang isa pang klasikong ekilibrio ay ang pagitan sa kulay kapeng nitrogen dioxide at ng walang kulay ng dinitrogen tetroxide at gayundin ang Schlenk equilibrium.

Sa totoo, karamihan ng set ng baliktaring mga pagsasanib ay mayroong panatag na ekilibrio. Kung minsan, ang konsentrasyon ay hindi titigil sa isang tiyak na halaga sa eklibrio bagkus magpapaugoy-ugoy ng walang katapusan. Isang magandang halimbawa rito ay ang Belousov-Zhabotinsky reaction.

[baguhin] Batayan

Malaking bahagi ng nilalaman ng artikulong ito ay mula sa artikulong "en:Chemical equilibrium" ng English Wikipedia (Oktubre 5, 2006).

1. ^ Atkins, Peter; Jones, Loretta. Princípios de química : Questionando a vida moderna e o meio ambiente. Tradução por Ignez Caracelli et alii. Porto Alegre : Bookman, 2001. (Translated from Atkins, Peter; Jones, Loretta. Chemistry: the quest for insight). Vaibhav Patel 2005, Christian Hart 2006, Glen Paxman 2006, Andrew Thompson 2006. Leventhorpe publications

2. P W Atkins Physical Chemsitry, Oxford

Retrieved from "http://tl.wikipedia.org../../../e/k/i/Ekilibriong_Kimikal_3fbc.html"

Category: Mga pahinang nangangailangan ng pagsasaayos

Ekilibriong Kimikal

Mula sa Tagalog Wikipedia, ang malayang ensiklopedya.

[baguhin] Konstant ng Ekilibrio

[baguhin] Mga halimbawa ng ekilibriong kimikal

[baguhin] Batayan

Views

Nabigasyon

Hanapin