Talk:Rockford (Illinois)
From Wikipedia
Picciotti...nun sacciu comu agghiúnciri lu Table of Contents?
- Ciau Michè - stai parrannu di l'Ìndici? L'artìculu lu fa iddu stissu quannu cci nni sunnu armenu quattru suttatìtuli. Salutamu. πίππύ δ'Ω∑ - (waarom? jus'b'coz!) 06:04, 17 Sittèmmiru 2006 (UTC)
- Beddu artìculu. Ti vulìa addumannari chi significa «ahhia»?
- Nun avìamu mai dicisu comu vulemu scrìviri indipendente pi sicilianu, dunca si pò attruvari «ndipinnenti» e «nnipinnenti». Camilleri porta la prima forma (ma iddu porta sempri li formi cchiù muderni e/o taliani). Piccittu nun porta nè una nè l'àutra, ma s'attrova spissu sta forma cu «nn-» ô principiu di na palora. In ogni casu, penzu ca prifiremu sti dui formi ô postu di «innipinnenti».
- Vogghiu puru discùrriri lu tìtulu, o cchiù pricisu, la forma dû tìtulu. Cu tempu t'adduni ca p'artìculi chi fannu parti dû stissu campu di studiu, p'asempiu, li citati dî Stati Uniti, è megghiu aviri la stissa forma pi tutti li tìtuli (sulu p'aiutari la navigazzioni). Dunca vulemu usari Rockford (Illinois), comu facisti, o Rockford, Illinois comu fannu ntâ Wikipdedia ngrisa? (p'asempiu: Winnebago County, Illinois) Nun si tratta d'unu èssiri giustu, e l'àutru no, si tratta chiutostu d'aviri lu sistema custanti pi n'enciclopedìa. Qual'è gghie nun importa assai picchì l'àutru addiventa nu Redirect (significa ca lu tìtulu siccunnariu punta sempri ô tìtulu prifirutu). Allura, siddu sî sicuru ca tutti li citati miricani hannu sta forma di tìtulu, li facemu tutti d'accuddì, e facemu sempri lu redirect cu l'àutra forma. Salutamu! πίππύ δ'Ω∑ - (waarom? jus'b'coz!) 06:39, 17 Sittèmmiru 2006 (UTC)
[cancia] Pippu
Pippu,
Sì, eu parrava di lu Ìnnici. Pinzava ca macari lu artìculu lu facissi comu dicisti tu. Spiramu di agghicari 4 suttatìtuli a prestu. Vulìa pruvari a scrìviri nu artìculu pri vìdiri comu fàciri ma nun sapìa cuali artìculu. Circannu Rockford, la citati mea, visti ca nun cci era nnu sìculu e accuminzài di accussì.
«ahhia» sì, veni di «ahhiari» ca esti nu autru modu di scrìviri «asciari». Tra li cosi ca avemu a discùrriri nna lu cìrculu esti FL latinu. Nna sti jorna mi servu di sta forma nna «hhi». Ma stu discursu rimannamu pri accamora.
Pri cuantu riguarda «innipinnenti». Lu discursu incapu la vucali iniziali lu rimannamu midemma. Ma eu sugnu di lu crìdiri ca, lassannu stari lu discursu di la vucali iniziali, la forma «(i)nnipinnenti» fussi migghiuri. Prichì:
Nuddu poti nigari lu fattu ca «nd» addivintàu «nn» nna la prununzia. Esti nu fattu. Lu mutivu nun lu sapemu ancora, macari li antichi pòpuli di la Sicilia avìanu difficurtati nna lu prununziari stu nessu, chi sacciu. Ma semu sicuri ca addivintàu «nn». Dunca, midemma siddu scrivìssimu «(i)ndipinnenti» la vera prununzia sìcula avissi a èssiri «(i)nnipinnenti». Datu chistu, avemu a scrìviri «(i)nnipinnenti», nunustanti zocca scrivi Camilleri.
Midemma ca la tradizzioni di «nd» nna «nn» esti una di li chiui distinti tradizzioni sìculi, inzèmmula a «mb» nna «mm» e «ll» nna «dd». Pèrdiri sta tradizzioni pri infruenza italiana, fussi nu veru piccatu.
Raggiuni avisti pri forza. Lu stissu tìtulu avemu a purtari pri tutti li artìculi ligati, accussì pri facilitari la ricerca. Ma appi tortu eu? Sgarrài? Mi ai a scusari ancora mentri mi accòmmudu a la struttura di Wikipedia. Grazzi!
- Michè - dicu n'àutra vota, pi quantu riguarda la forma dû tìtulu, nun mporta quali forma usamu, sulu ca usamu unu nt'un modu custanti. Nun avemu scrittu assai artìculi di citati miricani, allura nun si tratta di na quistioni cu na reula stabbiluta. Ju sulu ti vulìa cunzigghiari di stu fattu pi casu ca prifirissi l'àutra forma. P'accamora ju nun nn'haiu nudda prifirenza. A prupòsitu - canciari nu tìtulu è na cosa fàcili - ma è cchiù fàcili canciari unu tìtulu ca centu tìtuli! Pi chissu è megghiu pinzàricci ora e no doppu. Salutamu. πίππύ δ'Ω∑ - (waarom? jus'b'coz!) 12:02, 18 Sittèmmiru 2006 (UTC)
