Bill Gates

From Wikipedia

Bill Gates all'IT-Forum di Copenhagen (nuvèmmiru di 2004

William Henry Gates III (megghiu notu comu Bill Gates - 28 d'uttùviru di 1955), è nu prugrammaturi e nu mprinnituri dâ nfurmàtica.

Lu patri William H. Gates II era prucuraturi. A matri, Mary Gates, nzignanti a l'Univirsitati di Washington e prisidenti di l'United Way International.

Ntô 1968, â scola privata Lakeside, Bill e li sô cumpagni addumaru pâ prima vota ôn computer, un DEC PDP-10 di prupitati dâ General Electric, di cui la scola avìa affittatu un certu nummàru d'uri d'accessu. Bill, Paul Allen e arcuni àutri studenti (vari appoi assunti ntâ Microsoft) divinniru nziparàbbili di lu computer. Accuminzaru a aviri prubblemi câ scola, 'n ritardu o mai chî cumpiti, a marinari l'uri p'èssiri ntô lucali dû computer e cunzumaru tutti l'uri a dispusizzioni dâ scola 'n picca simani.

Nta l'autunnu dû 1968, la scola s'accorda cu na nova sucitati p'àutru tempu computer pî studenti. Lu gruppeddu (talianu "gruppetto") nun mpigau tantu tempu pi pruvucari prubblemi causannu vari blocchi ô sistema e ntruducènnusi ntô sistema di sicurizza. Mudificaru li dicumenti ca ripurtavanu lu nummàru d'uri computer d'iddi usati. Scuperti, foru bannuti p'arcuni simani di lu sistema. Â fini dû 1968, Bill, Paul e àutri dui hacker dû gruppu (Ric Weiland e Kent Evans), funnaru la Lakeside Programmers Group. La midèsima sucitati ca l'avìa bannuti l'assumìu p'attruvari li dibbulizzi dû sô sistema, e 'n canciu ci detti tempu nun limitatu a lu computer. Ntô marzu dû 1970 la sucitati nchiudìu e la Lakeside Programmers Group happi a circari àutri modi p'uttèniri accessu ôn computer.

Attruvaru l'Information Sciences Inc ca l'accittau pâ criazzioni dûn prugramma di gistione paghi, prumittennu 'n canciu, oltri a l'accessu ô computer, videmma na royalty siddu di li prugrammi di lu gruppu s'avissiru avuti dî vadagni. 'n ddu piriodu accadi ca l'àutri tri dû gruppu addumannassiru a Gates di lassari lu gruppu, pirchî lu travagghiu nun parìa sufficienti pi tutti, ma Gates li cummincìu a tinirili cu iddi.

Succissivamenti, ntô 1972, Bill e Paul funnaru la Traf-O-Data, ca pruggittau nu computer pi misurari lu trafficu stradali (foru pajati $ 20.000,00). La Traf-O-Data durau finu â fini dîi studi di Bill. Li dui travagghiaru nzèmmula videmma pi nfurmatizzari lu sistema di gistioni dâ scola (arricivittiru $ 4.200,00). Nta l'urtimi anni di scola, happiru lu mmitu dâ TRW, nun sulu d'attruvari li dibbulizzi di lu sô sistema ma macari di prugrammari li rimedi.

Ntô 1973, Gary Kildall scrivìu un simprici sistema upirativu ntô sô linguaggiu PL/M il CP/M (Control Program/Monitor) e lassau li surgenti accissìbbili a tutti pi scopi didattici. Nta l'autunnu dû 1973, Bill Gates s'iscrivìu â Harvard University 'n liggi e 'n cchiù s'iscrivìu ô cursu di matimàtica. Uttinni risurtati, ma comu ntê supiriuri, nun di rilevu. Si pirdìu nuvamenti ntô centru nfurmàticu di l'istitutu. A Lakeside, Gates, Allen e nu sô amicu, Paul Gilbert, un magu dû cablaggiu, custruiru la sô machina, usannu il prucissuri 8008 d'1k dâ Intel. Lu gruppu happi l'uppurtunitati di faciri na dimustrazzioni dû pruduttu, ma doppu lu fallimentu dâ prova, lu gruppu abbannunau l'idìa di funnari na sucitati pi pruduciri computer.

Â fini dû primu annu a Hardvard, Bill cummincìu Paul a spustàrisi pi putiri dari siquutu ê sô prucetti. Ntâ stati dû 1974, tutti li dui attruvaru travagghiu â Honeywell. Versu la fini dâ stati, Paul nzistetti sempri cchiù cu l'idìa c'avìanu a funnari na sucitati software. Bill esitava pirchî nun era ntirissatu a nfurmàtica e vulìa prusèquiri li studi.

[[Immagine:Microsoft-logo.jpg|right|Microsoft Corporation|thumb|Logu dâ Microsoft Corporation]]

Ma, ntô dicèmmiru 1974 niscìu lu primu Kit pi Microcomputer Altair8800 e tutti li dui rializzaru ca lu mircatu dî computer pirsunali stava pi spludiri e ci avissi vulutu lu software pî novi machini. Supra li machini dâ General Electric, cu cui Gates e Allen avìanu avutu li primi spirienzi, lu linguaggiu usatu era lu BASIC. Iddu era dispunìbbili macari supra li machini DEC e Gates, 'n picca jorna, tilifunau â MITS, sucitati pruduttrici di l'Altair, e prupunìu dû software spicìficu pi l'Altair 8800. La sucitati si dicìu/dissi assai ntirissata e Gates, prugrammannu friniticamenti, 'n ottu simani pruducìu li mudifiche, mentri Allen sviluppau un simulaturi di l'Altair supra lu PDP-10 dâ scola. Monte Davidoff s'unìu ô gruppu e scrivìu/scrissi svariati "pacchetti" matimàtici. Succissivamenti Allen purtau lu prugramma â sucitati pâ prima prova supra l'Altair; supirata la prova, la sucitati acquistau lu software. La coppia si trasfirìu a Albuquerque (Novu Mèssicu), seggi/sedi dâ MITS e, nta l'aprili 1975, Gates e Allen funnaru la Microsoft Corporation. La Microsoft vinnìu lu sô sistema Basic â NCR e a l' Intel. La Microsoft assumìu appoi Marc McDonald e Rid Weiland, tutti li dui amici dâ scola Lakeside.

Lu 1 di jinnaru di 1979 Bill Gates spustau la Microsoft chî sô 16 dipidenti a Seattle (Washington). Nta l'assunzioni Gates prifirìu pirsuni ntilliggenti e senza pricidenti spirienza di travagghiu. La spansioni purtau ô sviluppu dûn foghiu di calculu alittrònicu Multiplan pi Apple II e pi PC cu sistema upirativu CP/M ntô 1982 e di Microsoft Word ntô 1983.

Bruce Horn ntê midèsimi anni era studenti òspiti â Xerox e ajutau ntâ prugrammazzioni di Smalltalk ('n sicilianu: cummirsazzioni). Smalltalk era spirimentali, object-oriented, ma avìa na ntirfacci grafica cu testu silizziunatu pi menzu dûn mouse (a tri tasti), menù di tipu pop-up, finestri (windows). Ntô 1980 Bruce Horn purtau Smalltalk supra na machina basata supra prucissuri Intel 80186, lu Mycron-2000. Ntê stissi anni la Apple Computer rilassau varii virsioni dûn sistema upirativu DOS e la Digital Reaserch scrivi lu CP/M. Tim Patterson partennu dî surgenti dû CP/M scrivi 'n un paru di misi lu sistema upirativu QDOS (Quick and Dirty Operating System) p'èssiri usatu supra li computer basati supra l'Intel 8086 pruduciuti di Seattle Computer Products ô postu dû CP/M-86 ca la Digital_Research tardava a cumpritari.

Patterson ammostra a Microsoft lu sô 86-DOS e, ntô dicèmmiru di 1980, Gates acquistau lu sistema upirativu SCP-DOS di Seattle Computer Products, adumannannu li dritti pûn clienti ca nun spicificava (si trattava di l' IBM). Microsoft pajau menu di $100.000 pî dritti dû sistema upirativu, cû nomu 86-DOS. Microsoft chiamau Patterson, ca la SCP nun avìa ligatu cûn cuntrattu sclusivu, p'adattari lu 86-DOS a l'IBM 5150 PC e appoi ô PC-XT di l'IBM. Lu sistema upirativu mudificatu è chiamatu MS-DOS. L'IBM si rifiutau di cumpirari la licenza di MS-DOS e allura Gates fici n'accordu sècunnu cui avissi furnutu a l'IBM li sistemi upirativi pâ nova linia di "personal computer". L'IBM a sô vota mudificau liggiamenti/liggirmenti lu sistema upirativu e lu chiamau PC-DOS.

Steve Jobs di l' Apple vitti Smalltalk ô PARC dâ XEROX e uttinni la cullabburazzioni di Bruce Horn dû 1981 ô 1984 pi sviluppari nu PC cu ntirfacci grafica Lisa. Nun essènnuci lu tempu pi sviluppari 'n sistema upirativu object-oriented supra n'àutru sistema, si manteni parti di l'apparenzi sterni. P'asempiu Apple aduttau nu "mouse" cûn sulu pulsanti/buttuni mmeci di tri. Lu Lisa fu appoi sustituutu di lu Macintosh. Apple uttinni l'ajutu dâ Microsoft pi scriviri arcuni applicazzioni pi st'urtimu c'accussì uttinni na visioni di primu chianu di l' API, pezzi dû còdici surgenti, etc. dâ nova ntirfacci grafica. Chistu purtau ô sviluppu di Microsoft Word pi Macintosh ntô Jinnaru di 1984 e di Microsoft Excel ntô Sittèmmiru di 1985.

Nta l'Aprili 1983 la Microsoft adotta lu "mouse" 'n arcuni applicazzioni comu EDIT e appoi ntô Nuvèmmiru di 1983 'n na ntirfacci grafica funziunanti supra lu sistema upirativu MS-DOS. Sta ntirfacci grafica si sviluppa appoi ntô 1985 'n Windows 1.0, via via sviluppata finu â virsioni Windows 3.1 ntô 1992. La ntruduzzioni di Windows 3.1 segna una dî petri miliari dûn pircursu tantu cuntraversu ca la Microsoft scigghìu. Nfatti finu a Windows 3.0 la ntirfacci grafica è cumpatìbbili cu DR-DOS. Windows 3.1 mmeci è mudificatu 'n modu d'assicuràrisi ca nun funziona cû sistema upirativu cuncurrenti, di fattu, comu òi putemu vidiri, cunnannànnulu a morti. La Digital Research ifatti arrispunni ntô 1985 cu GEM-DOS (GEM = Graphical Environment Manager oltri a significari gemma 'n ngrisi) e appoi, ntô 1988 trasforma CP/M ntô DR-DOS. Finu ô 1992 la Microsoft s'attrova 'n règgimi di cuncurrenza, con varii virsioni di sistema upirativi (PC-DOS, DR-DOS, etc.) cu rilassi cchiù o menu paralleli. Ancora òi putemu attruvari supra lu mircatu li virsioni cchiù ricenti, a parti MS-DOS ca si firmau â virsioni 7.0. Nfatti nta l'Austu 1995 la Microsoft ntruduci Windows 95, ch'è lu primu sistema upirativu graficu di l'azzenna e lu sècunnu c'havi un successu cummirciali doppu chiddu di lu Macintosh. Ntê midèsimii anni la Microsoft ntruduci li virsioni pi MS-DOS dî vecchi linguaggi FORTRAN (ca data dû 1954) e COBOL (ca data dû 1959).

Ntô 1985 Microsoft e IBM nizzianu na cullabburazzioni pâ succissiva ginirazzioni di sistemi upirativi, lu OS/2 e IBM rilassa l'ammienti graficu Topview pricursuri dâ ntirfacci grafica ca va a èssiri usata supra lu OS/2. Chistu è macari l'annu di l' 80386. La cullabburazzioni câ IBM dura finu ô 1991, annu 'n cui Gates dicidi ca nun servi cchiù e mudifica lu nomu dû propiu OS/2 'n Windows NT.

Ntô Marzu di 1986 la Microsoft fu cutata 'n bursa/vursa. L'ufferta nizziali pi azzioni di $21.00 fici addivintari Bill Gates di corpu un miliunariu. Ntô 1987 a l'annunciu di Microsoft e IBM dû rilassu d'OS/2 v. 1.0, c'avissi duvutu sustituiri MS-DOS, l'azzioni ragghiuncinu li $100.00 di cutazzioni. Si supponi ca Gates è, supra lu principiu di l' anni 2000, l'omu cchiù riccu dû munnu.

Ntô Giugnu 1992, Gates veni primiatu câ Midagghia Nazziunali pâ Ticnoluggìa dû Prisidenti George H.W. Bush.

Ntô 1993, ô rilassu dâ virsioni MS-DOS 6.0 spriggiudicatamenti ncludi n'applicazzioni di cumprissioni chiamata DoubleSpace doppu na cunzulenza cu Stac Electronics cunclusa senza accordi rilativi. Stac Electronics cita 'n judizziu la Microsoft e vinci la causa. La Microsoft è custrinciuta a rilassari MS-DOS 6.21 senza DoubleSpace, ma lu dannu/dammaggiu è fattu. L'annu doppu cu MS-DOS 6.22 è ncludutu DriveSpace ch'è mmeci pruduciutu ntirnamenti, puru siddu lu principiu è lu stissu.

Ntô Jinnaru di 1994, Gates sposa Melinda French, na diriggenti dî vinniti dâ sô sucitati, a Lanai, Hawaii. Lu 26 d'aprili 1994 nasci Jennifer Katherine Gates, la sô figghia.

Ntô 1996 Microsoft crea nu sô browser, Internet Explorer, ca grazzî â discutìbbili tècnica di ntigràrilu ntô sistema upirativu, mmeci di simpricimenti alligàrilu, avissi prestu supiratu lu stòricu Netscape e sippillutu nta l'archivi dâ nustalgia lu gluriusu Mosaic, l'apripista di tanta navigazzioni Internet. Nfatti, finu a Windows 98 nclusu, a l'utenti nun era pussìbbili cancillari lu còdici d'Explorer pi libbirari lu spazziu pûn browser altirnativu, senza succissivi gravi prubblemi di funziunamentu dû sistema upirativu.

La spriggiudicata pratica cummirciali aduttata di Gates nta l'anni e la dicisioni di Microsoft d'ammucciari nfurmazzioni essinziali di Windows 95 'n appoi ncintivau lu sviluppu dû sistema altirnativu GNU Linux ca ntô 2002 li stissi funziunari di Microsoft ammèttinu pò addivintari nu "prubblema" dû puntu di vista cummirciali.

Ntô 1996 fu sviluppatu Windows 98 e ntô 1999 Windows 2000.

A mitati dû 1997 Microsoft mmesti 150 miliuna di dòllari acquisennu azzioni Apple senza drittu di votu p'abbiari na cullabburazzioni ticnològgica e cummirciali senza pricidenti ntô munnu dâ nfurmàtica. L'accordu è voltu a raffurzari lu prucessu di ntigrazzioni dî sô piattaformi 'n ammienti Java.

Ntô 2002 Microsoft lanza lu sistema upirativu Windows XP ca ncludi nu novu mitodu contra la duplicazzioni nun auturizzata e d'agghiurnamentu ca sulleva prutesti tra li clienti. Nfatti iddu richiedi nu novu còdici 'n casu l'hardware vegna canciatu e effettua accessi sterni â nsaputa di l'utenti 'n oltri na duzzina di mitodi diversi. La Microsoft s'addifenni dicennu ca servi a simprificari la vita ô clienti, p'asempiu, scarricannu autumaticamenti l'agghiurnamenti e ch'è pussìbbili disabbilitari tali upzioni. Ma l'upirazzioni è longa e cumplessa e richiedi nu cuntrollu a ogni agghiurnamentu, datu ca vennu rimpustati dâ Microsoft. E spiciarmenti richiedi la cchiù orva fiducia prisenti e futura ntâ sucitati e ntê sô addipinnenti.

Ntô 2005 Microsoft annuncia la nisciuta di Vista (nomu 'in còdici: Longhorn), sistema upirativu succissuri di Windows XP.