Categorìa:Micologìa

Da Wikipedia.

Test an lenga piemontèisa

Con "bolè" an piemontèis a s'antendo tùit ij fonz ("fonz" a l'é un pòch meno dovrà). Për esempi, quandi che as dis "andoma për bolè" a veul dì "andoma a serché e cheuje ij bolè".

Ma "bolé" a veul ëdcò dì, an particolar, "porsin". Quandi ch'as dis "i l'heu trovà un bolè" a veul dì "i l'heu trovà un porsin". Con "pissacan" a s'antendo ij bolè velenos e coj ch'a l'han nen un nòm sò.

Ij bolè a son un Règn a part, col dij FUNGI. A l'é staje dabzògn ëd fé un Règn a part për ij FUNGI, përchè a l'é vej che da na banda a peulo smijé a dle piante, përchè a l'han le pareti sellular bin difinìe e a peulo nen bogesse, ma da n'àutra banda a-i é tròpe diferense.

Prima ëd tut a son eteròtrofi, coma j'animaj, peui a ambaron-o ël glicògeno, coma j'animaj, e nen l'àmid, coma le piante. A la fin, la parete sellular a l'é nen fàita ëd sellulòsa, coma le piante, ma ëd chitin-a, coma ant ij verm, le babòje e ij crostassej.

La gerarchìa tassonòmica a l'é costa (ij bolé macroscòpich, val a dì coj ch'as vëddo sensa strument, a son ant le due class dij Basidiomycetes e dj'Ascomycetes, ch'a son detajà fina a livel d'Órdin):

Règn: FUNGI
- Division: Ascomycota
  - Class: Ascomycetes
    - Órdin: Discales (a chërso dzora 'd tèra)
    - Órdin: Tuberales (a chërso sota 'd tèra)
- Division: Basidiomycota
  - Class: Basidiomycetes
    - Órdin: Agaricales (lamele o tuboj ch'as dëstaco dal capel)
    - Órdin: Aphyllophorales (ni lamele ni tuboj ch'as dëstaco dal capel)
    - Órdin: Gasteromycetes (le spòre as formo an drinta al bolé)
  - Class: Teliomycetes
  - Class: Ustomycetes
- Division: Chytridiomycota
- Division: Zygomycota
  - Class: Trycomycetes
  - Class: Zygomycetes

Mach për completëssa, a-i é ëdcò dle mofe dròle che dle vire a peulo smijeje a dij bolé, ma coste a son ij mixomycetes e a son classificà ant ël Règn dij PROTOZÒA:

Règn: PROTOZOA
- Division: Myxomycota
  - Class: Mixomycetes
  - Class: Protosteliomycetes (Plasmodiophoromycetes)
  - Class: Hydromyxomycetes
  - Class: Acrasiomycetes

Cheich sòrt ëd bolé, pissacan ò mixomicetes fotografà an Piemont:

Lista dij Bolé che an piemontèis a l'han un nòm pròpi
Lista dij Bolé an ordin alfabétich
Lista dij Mixomicetes

OMMI! Ma io non SO LEGGERE!!

E be'? :) È facile imparare a leggere una lingua che si parla già. Consulti

questa pagina e vedrà, in un attimo anche Lei avrà il suo badge da bogianen :)

St'utent-sì a l'é un bogianen

OMMI! pero si YO no
SE LEER!

¿Y que? :) Es fácil aprender a leer un idioma que ya se habla. Consulte usted esta pagina y verá, en un momento tendrá usted su Badge de Bogianen :)

'cò ti it peule travajé a fé pì granda e bela la wikipedia piemontèisa. Tùit a peulo gionté dj'anformassion, deurbe dij neuv argoment, deje na man aj volontari che a travajo ambelessì 'ndrinta. Rintra ant la Piòla e les coma avnì a fé toa part. I soma na gran famija e i l'oma da manca dël travaj ëd tùit.

BANCHÈT dj'UTISS

Lìber për chi a veul amprende

a lese e a scrive mej an piemontèis, e che an fan d'arferiment a tùit për la coression ortogràfica dij test ant sle pàgine marcà koiné piemontèisa.