Pinksterbloeme
Van Wikipedie
De pinksterbloeme (Latien: Iris pseudacorus) is een 80 cm tot 1 meter hoge oeverplaante van zeut, stilstaond of langzaam streumend waoter. De plaante greui in ondiep waoter dat tot zo'n 30 cm diep is.
De lange, smalle blaojen hem een iets opstaond middennarf en blieven 't hele jaor greun.
De bloemen bin van mei tot juni te zien en bin 5 tot 12 cm in deursnee. De bloeme hef een groot greun schutblad, dree grote ofhangende bloemdekslippen, en dree kleinere kroonblaojen. Nao de bleui zitten de zaojen as een rolletjen munten op-estapeld in dreekaantige zaoddeuzen. Disse bevatten luchholtes waordeur ze blieven drieven.
[bewark] Verspreiding
In Nederlaand en in iets mindere maote in Vlaonderen is de plaante een bekend gezichte langes sloten en aandere ondiepe waoterwegen. 't Antal plaanten in Nederlaand daolen een bonke an 't einde van de 20e eeuw. Dit is de reden waorumme de plaante in Nederlaand wettelijk bescharmd was. Tegesworig is de pinksterbloeme gien bescharmde plaante meer.
 |
Meer ofbeeldingen dee bie dit onderwarp heuren ku-j vienen op de pagina Iris pseudacorus van Wikimedia Commons. |
