Swerin

From Wikipedia

Wapen vun Swerin

Swerin is de Landshööftstadt vun dat Bundsland Mekelnborg-Vörpommern, in den Noorden vun Düütschland. Mit ehr 96.329 Inwahners (1. Januar 2005) is se de lüttste Landshööftstadt in Düütschland.

Inholtsverteken

1 Historie
2 Laag
3 Daten
4 Industrie
5 Attrakschonen
6 Weblenken

[Ännern] Historie

De Stadt wörr 1012/18 dat eerste Maal nöömt. Se warrt to de Tiet Zuarina schreven un 1170 Zuerin, Zwerin. Dat kummt vun polabisch zvěŕ, Beest + Suffix (-in), zvěŕin Haag för wille Beester oder ok Gestüt. Villicht hett dat aver ok mit den slaavschen Gott Svarog to kriegen (Swarzyn - Svarog sien Oort). Düütsch worrn is de Oort 1160 ünner den Hertog vun de Welfen, Hinnerk de Lööw. Vun 1167 an seet in Swerin een Graaf, Gunzelin. 1358 is Gunzelin sien Familie utstorven un de Stadt güng an dat Hertogdom Meckelborg. Vun dat 15. Johrhunnert an bet 1918 leven in Swerin de Hertög vun Meckelborg-Swerin. Blots vun 1763 bet 1837 hebbt de Hertög in Ludwigslust seten. Swerin weer ok Sitt vun en Amt, ut dat se 1935 den Landkreis Swerin maakt hebbt, den se bi de Kreisreform 1994 aver wedder oplööst hebbt. Sietdem is Swerin kreisfre’e Stadt. Na 1918 weer Swerin Hööftstadt vun den Freestaat Meckelborg-Swerin un na den Tweten Weltkrieg is de Stadt Sitt vun dat Land Meckelborg worrn, to dat denn al de Westdeel vun Pommern höör. Nadem se 1952 in de Düütsche Demokraatsche Republiek de Länner oplööst harrn, weer Swerin Bezirkshööftstadt vun den Bezirk Swerin. 1990 denn hebbt se Swerin to de Landshööftstadt vun dat Bundsland Mekelborg-Vörpommern maakt.

[Ännern] Laag

53° 38' N , 11° 25 'O
in't westlich Mekelborg-Vörpommern; söben Seen: Sweriner See, Heidensee, Ziegelsee, Medeweger See, Lankower See, Osdörper See, Fauler See

[Ännern] Daten

Swerin hett 96.329 Inwahners (1. Januar 2005), dat maakt 738 Inwohners op den Quadratkilometer. Na 1972 hett Swerin sogaar över 100.000 Inwahners hatt, man nu is dat nich mehr so veel. Dat Auto-Kennteken is SN.