Peroxid
From Wikipedia
Peroxide sünd chemisch Verbinnen de een Peroxigrupp R1-O-O-R2 (bi organisch Vebinnen; de R’s staht för Reste) oder een Peroxid-Ion O22- (anorgansch Verbinnen) enthallt. De Suerstoff hett dorbi de Oxidatschoonstall -1.
[Ännern] Eegenschoppen
Peroxide hebbt een starken Drang to disproportioneeren, also gliektietig as Redukschoons- un Oxidatschoonsmiddel to wirken. Dorbi warrt veel Hitt free, as t. B. bi dat Disproportioneeren von Waterstoffperoxid to Suerstoff un Water. Veele Övergangselementen wirkt dorbi as een Katalysator un maakt dat flinker.
Organsch Verbinnen mit swake C-H-Binnen, as Ether oder Ketonen hebbt dat faken an sik, wenn se länger staht, mit den Suerstoff ut de Luft Peroxiden to billn. Bi dat Destilleern kann dat Explosionen utlösen. Dorüm schall man vörher jümmers kieken, ob sik Peroxiden billt hebbt.
[Ännern] Nawies
Peroxiden künnt t. B. dör Oxidatschoon von Jodid-Ionen nawiest warrn. Afgevend Lösmiddels farvt sik bruun. Dör dat Togeven von sättigt Stärklöösen kann de Empfindlichkeit noch verbetert warrn; Dor entstaht denn dull blaue Verbinnen von Jod un Stärk. Gifft ok Teststäbchen to köpen.
[Ännern] Herstellen un Sekerheit
Dat Anthrachinon-Verfahrn is dat wichtigste bi de Herstellen von Waterstoffperoxid. Dorut könnt denn weddere annere Peroxiden wunnen warrn.
Üm Peroxiden seker herstellen to künnen, mutt een beten Opwand maakt warrn un man mutt doröber goot Bescheed weten. Organsch Peroxiden warrt industriell in Zellenbauwark herstellt, wat vör Explosion bewahrt. Man Unfällen kann dat trotzdem geven.
