Niederpreußisch
From Wikipedia
Niederpreußisch (Westpreußsch, Oostpreußsch gifft dat as Wöör, aver se wart nich vun Fachlüüd bruukt) is een vun de Dialekten vun de ostnederdüütschen Dialektgrupp. Bit 1945 weer se tohuus in Oostpreußen, Westpreußen, Danzig un - tohoop mit dat Polsche un dat Kaschubsche - in'n 'Polschen Korridor'. Dat Samländsche (West- un Oostsamländsch), de 'Mundart vun dat Ostgebiet', dat Natangen-Bartensch , dat West- un dat Oostkäslausch, de Mundart vun de Frische un de Danziger Nehrung, dat Platt vun de Danziger Hööch un vun de Weichselmünn weern Delen (Mundarten) vun't Niederpreußische. Dat beröhmte Leed Anke van Tharaw is in de Orginalverschoon (sachts Simon Dach) in Nederpreußsch schreven. En Deel vun't Niederpreußisch is in welke Böker ok dat Plautdietsch. Een vun de Wöör, de ut dat Olprußsch kamen deen is dat beröhmte Marjell; dat 'j' muttst in de Kehl spreken (as dat nederlandsch 'g').
Welke Wöör, de dat Niederpreußisch mit't Plautdietsch gemeen hett:
- Klemp (Kauh)
- Klopps (Klüten)
- Tsoagel (Steert)
