Höxter
From Wikipedia
Höxter is ene Stadt mit över 30.000 Inwahners in't Werserbarglann an de Werser. Höxter liggt in Ostwestfalen in Noordrhien-Westfalen. Höxter harr inst dat beröhmte Klooster Corvey an de Werser, wat vandage noch ene romanisch Krypta hett. Dat Klooster in Corvey, wat in't Medeloller ene Stadt weer, de 1265 vun't Heer vun de Bischop vun Patterbuorn bruaken worr, weer weer bet 1803 de Seet vun en reljös Staat in't Römsche Riek. Dat Klooster, dat 822 gründ't worr, weer över 100 Johr de enig Bildungssteede in de sassisch Rebeet. Ansgar, de inst Bischop vun Hamborg un Bremen weer un dat Christendoom noh Skandinavien broch, weer hie op de School. Rabanus Maurus, de Schriewer vun Enzyklopädien un ook Arzbischop vun Mainz mit den Titel Praeceptor Germaniae, wat Lehrmeester vun Düütschland heet, weer hie ook in de School aktiv. August Heinrich Hoffmann von Fallersleben weer inst Bibliothekar in de Klosterbibliothek , in de vandage en germanistisch Institut vun de patterbuorner Universität för de Klosterbibliothek is. De Bibliothe hett över 60.000 Böker un ene vun de gröttste Sammlungen vun ingelsche Literatur in Düütschland. Dat Westwark vun de ehemaalsche Kloosterkark is dat öllste Buwark ut dat Middelöller in Westfalen. Dat Buwark worr noh de Dörtigjohrig Orlog wedder upbut. Dat kehm 1740 to Enn. Vandage hört dat Slott de Hartöge vun Ratibor, de ook Försten vun Corvey sün. De Schrieverin Agnes Miegel ut Oostpreußen schreef över Corvey: Würde mich jemand fragen, was er sehen müßte im Weserland, wenn ihm nur ein einziger Tag dafür bliebe, so würde ich ihn nach Corvey führen. Dat Roothuus vun Höxter worr 1613 in de Werserrenaissance but. In't Tillyhuus vun 1598 weer woll in de Dörtigjohrig Krieg de Feldherr Tilly. De dörtigjohrig Krieg weer de gröttste Katastrophe in de Historie vun de Stadt. Kunsthistorisch vun Bedütung is ook de Dechanei vun 1561. Dat öllste Buwark, wat vandage noch ganz steiht is de Kark St. Kiliani. En gotisch Kunstwark is de Marienkark. In't 17. Johrhunnert weer Höxter 100 % luthersch, män siet lang sün hie mier katholsche denn evangeelsche Inwahners. Vandage is Höxter ene vun de Steden vun de Fackhoogschool Lippe un Höxter. In de Söden vun Höxter is de Cheruskerweg. In Höxter löpen drie Beken dor de Stadt. Ene anner Kreisstadt bi Höxter is Holzminden in Neddersassen. Op de anner Siet vun de Werser is de Solling. De längste Stedenpartnerschaft vun Höxter is mit Corbie in de Picardie in Nordfrankriek, wat de Nam Corvey gäwen hett. De anner Steden in'n Kreis, wo dat kene Darpgemeenten gifft, sün Bad Driburg, Beverungen, Borgentreich, Brakel, Marienmünster, Nieheim, Steinheim, Warburg un Willebadessen. Wilhelm Raabe hett in sien Roman Höxter und Corvey över de Öörd Höxter un Corvey schrewen. Höxter is as ok veele anner Steden in'n Kreis in de Niege Hanse. De ehemaalsche SPD-Liddmaat vun de Bunnsdag Wolf-Michael Catenhusen un Thomas Heesen, de Speeler, Trainer un vandage Manager vun DSC Armninia Bielefeld is, sün ut Höxter.
