Eimsbüttel
From Wikipedia
Eimsbüttel is de nordwestliche von de söben Stadtbezirke in Hamborg.
De Bezirk hett 243.599 Inwohners (in't Johr 2002) un hett 'n Fläch von 50,1 km² (kannst in de hochdüütsche Wikipedia nolesen).
Von den Stadtdeel Eimsbüttel (ook "Eimbüddel") is besünners dat Schanzenviddel bekannt, wat half to Eimsbüttel, half to Altona un mit de drütte Half to St. Pauli höörn deit.
To den Bezirk höörn ook de feinen Stadtdeel Harvstehude un de Rode Boom (no'n Slagboom an't Dammtor nöömt) an de Butenalster; to'n Roden Boom höört owers ook dat Uni-Viddel mit den Grinnel, woneem freuher de Juden wohnt hebbt un ehr Lodens harrn.
Wieder buten liggt Stellingen mit Hagenbeck sien Deertenpark (kott "Hogenbek" nöömt), Lokstedt mit den Norddüütschen Rundfunk (NDR), Niendörp mit sien ole Kark un dat Niendörper Holt, Eidelstedt, wat nich bloots Giftmüllskandol as in't Johr 1979, man ook noch 'n Feldmark mit Wischenvogels to beeden hett, un ganz in'n Nordwesten Snelsen.
Dör dat "Kerngebiet" löppt de Isebekkanol mit de lütt Ottersbek, wieder buten löppt de Kollau mit 'n scheunen Wannerweg.
