De fofftig Penns
From Wikipedia
De fofftig Penns is en plattdüütsche Musikgrupp ut Bremen-Noord. Malte Battefeld ut Vegesack, Jakob Köhler ut Grambke un Torben Otten ut Aumund sünd in’t Johr 2003 tosamen komen üm Hip-Hop- un Funk-Leeder mit plattdüütsche Texte to maken. All tohoop hebbt sungen, de Instrumente sünd vun’n Band komen, dormit dat ornlich luut worr.
In’n Dezembermaand 2003 worr ehr eerste Single mit en Oplaag vun 150 Stücken rutbrocht un ok en Musikvideo maakt. Na en tweete Single un Video in’n Märzmaand 2004 un noch jümmers keen Spood worrn De fofftig Penns dör ehr Liddmaten na bloots fief Maanden oplööst. Se hebbt in de Tied vun ehr Bestahn överhööft keen Liveoptreed hatt. Egentlich worrn internatschonale Erfolgen wiet över de Grenzen vun Bremen-Noord un johrelange Medienpräsenz plaant. Ehr Produtschent Tim de Buer, ok ut Bremen-Noord, vertellt de Press, dat ünner annern ok de Drogenproblemen vun Malte un de musikalschen Differenzen en Roll speelden bi’t Utenannergahn.
Na jemehr Utenannergahn harrn De fofftig Penns doch noch en beten Erfolgen hatt, denn in Alaska, Frankriek, Italien, de Nedderlannen, Österriek un sogor Neddersassen sünd Minschen, de De fofftig Penns bannig dull findt. Echt wohr!
In'n Junimaand 2004 weren Jakob un Torben tosamen mit Bernhard de Reese in'n Radio to hören. Bi de Radioprogramm De Plattsnuten in'n Offenen Kanal Bremen hebbt se ünner annern veel snackt över et Utenannergahn.
Bi de Sylvesterfier 2005/2006 in’e Neeg vun’t Haaven Höövt hefft en onbekende Mallbüdel en groten Hit vun De fofftig Penns covert.
In’n Januarmaand 2006 hefft et dicht bi en Comeback vun De fofftig Penns geven: Malte un Torben hebbt denn dat Stück Frünnen Blieven opnamen.
De Liddmaten vun De fofftig Penns wohnt nu all in Berlin tosamen un da geiht dat jem ok bannig good. Se pröövt butendem de kreative Tied vun fröher torüch to bringen.
[Ännern] Diskografie
- Dezember 2003: P.I.N.T. (CD)
- März 2004: Jungkeerls (P.I.N.T.) (CD)
- April 2004: De fofftig Penns - THE BEST OF (DVD)
- August 2004: Die Grambker Fimfestspiele (DVD) mit ünner annern De fofftig Penns
[Ännern] MP3s runnerloden
- Jungkeerls (zip)
- P.I.N.T. (zip)
[Ännern] Weblenken
- www.defofftigpenns.de.vu Websteed vun de Grupp (hoochdüütsch)
- www.grosseskino.net Grosses Kino Productions (hoochdüütsch)
