ऑपरेटिंग सिस्टिम
From Wikipedia
'ऑपरेटिंग सिस्टिम' म्हणजेच 'संगणक प्रणाली' हे संगणकाचे मूलभूत नियंत्रण करणारे सॉफ्टवेअर आहे. ऑपरेटिंग सिस्टिम ही सॉफ्टवेअरच्या 'सिस्टिमस् सॉफ्टवेअर' ह्या वर्गीकरणात येते. ऑपरेटिंग सिस्टिम ही संगणकच्या हार्डवेअरचे तसेच संगणकावर चालणाऱ्या इतर सर्व सॉफ्टवेअर्सचे (उदा. वेब ब्राऊझर, ईमेल प्रोग्रॅम, वर्ड प्रोसेसर इ.) नियंत्रण करते. इतर सॉफ्टवेअरना लागणाऱ्या काही मूलभूत सॉफ्टवेअर सर्व्हिसेस ऑपरेटिंग सिस्टिम पुरवते.
अनुक्रमणिका |
[संपादन] सर्वात जास्त वापरल्या जाणाऱ्या संगणक आज्ञावली
[संपादन] मायक्रोसॉफ्ट विन्डोज्
मायक्रोसॉफ्ट विंडोज ही व्यक्तिगत संगणकासाठी जगातील सर्वात लोकप्रिय संगणक आज्ञावली आहे. जगभरातील एकूण व्यक्तिगत संगणकांपैकी ९५ टक्क्यांहून अधिक संगणक मायक्रोसॉफ्ट विंडोजच्या कोणत्यातरी एका आवृत्तीवर चालतात.
मायक्रोसॉफ्टच्या विंडोजच्या सध्याच्या सर्वात जास्त वापरात असलेल्या आवृत्त्या आहेत: माइक्रोसॉफ्ट विंडोज ९८, माइक्रोसॉफ्ट विंडोज एनटी, माइक्रोसॉफ्ट विंडोज २०००, माइक्रोसॉफ्ट विंडोज एक्सपी. विंडोज ९८ वगळता वरील बहुतांश आवृत्त्या ह्या विंडोज-एनटीवर आधारित आहेत.आगामी आवृत्ती 'विंडोज-विस्टा' (अधिकृत घोषणेपूर्वी ही आवृत्ती 'विंडोज-लाँगहॉर्न' म्हणून ओळखली जात होती) ही २००७ सालाच्या सुरवातीस प्रसिद्ध होणे अपेक्षित आहे.
'सर्व्हर'-संगणक (Server computers) आणि 'क्लस्टर' -संगणक (cluster computers) या संगणकांसाठी विंडोजच्या काही आवृत्त्या आहेत जसे माइक्रोसॉफ्ट विंडोज २००३ सर्व्हर.
काही छोट्या इलेक्ट्रॉनिक्स उपकरणांमध्येदेखील (उदा. लहान संगणक - pocket computers) मायक्रोसॉफ्ट विंडोजची 'विंडोज सी.ई.' (Windows CE) ही आवृत्ती वापरली जाते.
[संपादन] युनिक्स्
युनिक्स हे एकमेकांशी साम्य असणाऱ्या काही संगणक आज्ञावलींचे नाव आहे. युनिक्स हा द ओपन ग्रूप (The Open Group) कंपनीचा रजिस्टरर्ड ट्रेडमार्क आहे.
'युनिक्स लाईक' म्हणजे युनिक्सवर आधारित अथवा युनिक्सशी साधर्म्य असणाऱ्या अश्या बऱ्याच ऑपरेटिंग सिस्टिम्स सध्या प्रचलित आहेत , उदा. ' ग्नू/लिनक्स (GNU/Linux)', 'फ्री बी एस डी (Free BSD)', 'सोलारिस (Solaris)', 'एच्.पी. यू.एक्स (HP-UX)', 'ओपन बी एस डी (Open BSD)', 'नेट बी एस डी (Net BSD)', 'आय बी एम ए आय एक्स (IBM's AIX)'
युनिक्स ही सर्वप्रथम ए.टी अँड टी लॅब्स (AT&T Labs) मध्ये विकसित केली गेली.
[संपादन] ग्नू/लिनक्स्
लिनक्स ही एक लोकप्रिय संगणक आज्ञावली आहे जी 'मुक्त सॉफ्टवेअर' आहे.
[संपादन] मॅक ओ.एस्
'मॅक ओ.एस्.' (Mac OS) ही ' अॅपल कंपनीच्या 'मॅकिंटॉश' काँप्युटर्सवर वापरली जाणारी संगणक आज्ञावली आहे.
