Ролс-Ројс
Од Википедија, слободна енциклопедија
 |
|
|
|
|
|
Ролс-Ројс е група од компании кои се дериват на британската компанија за автомобили и авио-мотори основана од Хенри Ројс и Ч.С. Ролс во 1906 год. Овие компании се:
- Ролс-Ројс Јавно Д.О.О. - економски најзначајната од сите, е британска фирма специјализирана за турбински производи, особено авионски мотори, но во последно време и бродски мотори и мотори за електрани која нуди прозиводи и услуги како за цивилна, така и за воена употреба.
- Ролс-Ројс Автомобили Д.О.О. - нов призводител на луксузни автомобили во сопственост на БМВ која засега има само еден модел - Фантом (Јануари 2003) (подолу).
- Бентли Автомобили - продолжение на првобитното одделение на Ролс-Ројс. Од 1998 год. компанијата е во сопственост на Фолксваген групацијата. Автомобилите на Ролс-Ројс и Бентли имаат многу механички сличности уште од 1931, кога Бентли бил купен од Ролс-Ројс. Интересно е тоа што од 2003 год. наваму оваа фирма неможе да приозведува автомобили со име,,Ролс-Ројс" бидејќи правата му примаѓаат на БМВ,а не на Фолксваген.
Содржина |
[уреди] Историја
Во далечната 1884 година Фредерик Хенри Ројс отворил електричарско-механичарска работилница. Во 1904 тој ја отвора првата работилница за автомобили во Манчестер и го произведува првиот модел,,Ројс". Истата година го запознава Чарлс Стјуарт Ролс во еден манчестерски хотел и заедно склучуваат договор со кој Ролс станува ексклузивен дистрибутер на автомобилите на Ројс. Во една од клаузулите на договорот се воспоставува и новото име на автомобилот - "Ролс-Ројс". Компанијата ја формирале во 1906 год.,а просториите ги преселиле во Дерби во 1908 год.
Оваа компанија го заработува своето големо име за прв пат со моделот Сребрено Сениште (произведуван од 1906 до 1925 год.) кој имал мотор со 6 цилиндри. Направени се вкупно 6173 автомобили од тој модел . Во 1921 год. компанијата отвора втора фабрика во Спрингфилд, Масечусетс, во Соединетите Американски Држави заради големата побарувачка во таа земја. Таму тие произведуваат уште 1701 автомобил од моделот Сребрено Сениште (варијација наречена "Springfield Ghost"). Оваа фабрика работела 10 години и затворила во 1931. Шасијата на овој автомобил била употребена за изработка на првиот британски оклопен автомобил кој се употребувал во двете Светски војни.
Во 1931 г., Ролс-Ројс го купува својот ривал, Бентли кои се соочувале со финансиски потешкотии за време на Големата Депресија. Одтогаш, па сé до 2002, автомобилите на Бентли и Ролс-Ројс стануваат скоро идентични, со исклучок на предната решетка и некои ситни делови.
Во 1946 год. производството на Ролс-Ројс и Бентли се преселува во Кру и во Мулинер Парк Вард, Лондон во 1959 год. кога компанијата започнува за прв пат да призведува сопствени школки за автомобилите —дотогаш тие произведувале само шасии, а школките биле изработувани од индивидуални специјалисти.
Во 1971 год. компанијата се национализира заради финансиски проблеми како резултат на производството на моделот RB211, а во 1973 автомобилското одделение се одвојува од компанијата и добива име, Ролс-Ројс Автомобили (Rolls-Royce Motors). Главниот оддел на компанијата за производство на авионски и бродски мотори останува во државна сопственост сé до 1987 год. кога е приватизиран како Ролс-Ројс Јавно Д.О.О., една од многуте приватизации на владата на Маргарет Тачер.
Во 1980 год. компанијата ја купува Викерс, а во 1998 истите ја продаваат на Фолксваген.
[уреди] Ролс-Ројс автомобили
[уреди] Ролс-Ројс автомобили од 1919 до 1939 год.
- 1906-1925 Ролс-Ројс Сребрено Сениште
- 1922-1929 20hp
- 1925-1929 40/50 Фантом
- 1929-1936 20/25
- 1929-1935 Фантом II
- 1936-1938 25/30
- 1936-1939 Фантом III
- 1939-1939 Призрак
Бентли модели (од 1933 год.)
- 1933-1937 Бентли 3½ литри
- 1936-1939 Бентли 4¼ литри
- 1940-1940 Бентли 4¼ Литри Mk V
[уреди] Ролс-Ројс автомобили од 1945 до 1998 год.
Најзначајни модели од тој период:
- 1949-1955 Сребрен Призрак
- 1949-1955 Сребрена Зора
- 1950-1956 Фантом IV
- 1955-1966 Сребрен Облак
- 1959-1968 Фантом V
- 1965-1980 Сребрена Сенка — првиот Ролс-Ројс со целосна (monocoque) шасија; прво со 6.23 литарски V8 мотор, а подоцна со 6.75 Л.
- 1968-1991 Фантом VI
- 1971-1996 Корниш
- 1975-1986 Камарг со Пининфарина школка
- 1980-1998 Сребрен(а) Дух/Мамуза/Мугра —
Моделите на Бентли се произведувале паралелно со гореспоменативе модели. Бентли Континентал купињата (произведувани во 1950-тите и 1960-тите) немале свои Ролс-Ројс еквиваленти. Во овој период исто така се призоведувале и многу скапи Фантом лимузини. Во меѓувреме други производители на луксузни автомобили како Мерцедес-Бенз, БМВ и (многу подоцна) Лексуснаправиле голем технички напредок комбинирајќи спортски перформанси со високо ниво на комфорт; во споредба со нив Ролс-Ројс изгледал многу старомодно.
[уреди] Ролс-Ројс автомобили од 1998 год. наваму
- 1998-2002 Сребрен Сераф
- 2000-2002 Корниш - рекордно најскапиот Ролс-Ројс се до воведувањето на Фантом-от во 2003 год.
- 2003 Фантом - Воведен во Јануари 2003 год. и за прв пат пирикажан на саемот за автомобили во Детроит . Ова е првиот модел на фирмата Ролс-Ројс Автомобили Д.О.О. кој е подружница на БМВ и нема технички или корпоративни сличности со првобитната копанија,,Ролс-Ројс" освен гореспоменатите права. Овој автомобил има 6.75 литарски V12 мотор осмислен од БМВ, а речиси сите други компоненти се сосема уникатни. Највеќето делови се прават во Германија, а автомобилот се склопува и довршува во новата фабрика во Гудвуд, Сасекс, (Англија). Основниот модел чини 250,000 фунти, а автомобилот може да се добие во нормална и породолжена верзија. Овој автомобил добива неповолни оценки од автомобилските експерти, како и разочарувачки малку купувачи.
| Ролс-Ројс-ов времеплов | ||||||||||||||||||||||||||
| 1900 | 1910 | 1920 | 1930 | 1940 | 1950 | 1960 | 1970 | 1980 | 1990 | 2000 | ||||||||||||||||
| Независни | Викерс | БМВ | ||||||||||||||||||||||||
| Седан | 20/25/30 | Призрак | II св. војна | Зора | Облак | Сребрена Сенка | Сребрен Дух/Мамуза | |||||||||||||||||||
| Луксузни | Ролс-Ројс 10 H.P. | Сребрено Сениште | Фантом I II III | Сребрен Призрак | Камарг | Сераф | Фантом | |||||||||||||||||||
| Каброилет | Корниш II III IV | К | 100EX | |||||||||||||||||||||||
[уреди] Прототипови
- Ролс-Ројс 100EX
- Ролс-Ројс 101 EX
