Vitori Emanuèl III
From Wikipedia
 |
Cheest artícul al è scrivüü in milanees, urtugrafía clàssica. |
Vitori Emanuel III de Savoja (Nàpuli 1869 - Alesàndria d'Egitt 1947) l'è staa Re d'Italia del 1900 al 1945, d'Albania del 1939 al 1943 e Imperadur de Etiopia del 1936 al 1941. Dopu de la mort del pader Umbert I l'haa tegnuu una posizion corrèta lasand che el Giolitti el portass innanz el sò prugrama de riform liberaj e sociaj. L'è staa favorevol a la guèra cont la Turchia per conquistaa la Libia in del 1911. Durant de la prìma guèra mondial, dopu de la scunfitta de la bataja de Capurett, l'haa sustituii el general Cadorna cont el general Diaz che l'haa portaa a la vitoria in su l'Austria-Ungaria. Dopu de la guèra l'haa ciapaa pagùra per la rivoluzion e l'haa favorii el Mussolini che el 28 de otober del 1922 l'haa ciapaa el poter. Sòta el fascismu l'haa via via perduu i sò funzion, finna aquand, el 25 de luj del 1943, l'haa destituii el Mussolini ciamand a guidaa el Govèrno el general Badoglio che el 8 de setèmber de l'istess ann l'haa ciamaa l'armistizi intanta che el Re el scapava de Roma per andaa a Brindes che l'era de giamoo sòta el control dij ingles e dij merican. In del 1944 el minister Togliatti, un comunista, l'haa costrett a ritirass metend in sul trònu el fioeu Umbert II a titol provvisori, ma in del mes de magg del 1946 el s'è ritiraa definitivament andand in esili a Alesàndria d'Egitt in dove che l'è mort a la fin del ann dopu.
