Wiette dónderdig
Van Wikipedia
- Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.
Wiette dónderdig ies de dónderdig in de Gooj week, de week veur Paosje. In de biebel sjteit gesjreve dat op dezen daag 't lètste aovendmaol plaatsvingk. Dat ies 't gezamelik ete van Jezus mèt zien apostele. In de liturgie weurt dan de insjtèlling van de Heilige Mès en van 't preestersjap gevierd. In de kèrkelike vieringe weurt huuj 'n wiet kasuifel gedrage, in tegesjtèlling tot de 40 aafgeloupe vastedaag, die in 't paars plaatsvónge.
[bewirk] Folklore
- Kleppere
De mèsdenersj goon mèt 'ne klepper rónd um te laote huère, dat de kèrkklokke tot Paosjzaoterdig zölle aafreize nao Roame.
- Apostelesop
Rónd Wieërt en Toear besjteit 't gebruuk um op dezen daag sjmieddigs sop te ete mèt twelfderlei greuntes. Dat neume ze de apostelesop. Degene, dae 't ièrsj ziene lepel in de sop duip, weurt Judas geneump.
