Saint-Simonisme
Van Wikipedia
- Dit artikel is gesjreve in 't Norbiks. 't Weurt gewaardeerd óm in dit artikel woe meugelik 't Norbiks aan te hawte.
Claude-Henri de Rouvroy, graaf van Saint-Simon (Paries, 17 oktober 1760 - 19 mei 1825) waor wetensjapsfilosoof en groondligger van 't Saint-Simonisme.
[bewirk] Productieve en neet productieve
C.H. de Rouvroy verdeelde de luuj in twieë groep: de productieve (de luuj die wirke) en de neet-productieve (de luuj die bezitte). De verhouding tussje die twieë groepe besjreef-e es conflictueus. E wert aan-zieë es d'r belangriekste groondligger van de modern sociologie en naeëve Babeuf, och es groondligger van 't utopisch socialisme. Ziene adeleke titel haat e an de Fraanse Kroeën truukgegaeve.
[bewirk] Théodore Weustenraad
Théodore Weustenraad waor Saint-Simonist en sjreef uvver d'r klassesjtrijd tussje de productieve en de neet-productieve in b.v. Chants de Réveil. Dit polletiek bewus-zieë waoërt 'm in os katholieke kontreije zoe koelek genaome dat-e 't sjlachoffer is waoëre van 'n raar vorm van karaktermoord. Bies op d'r daag van huuj wert bewaerd dat 'de Persessie vaan Sjerpenheuvel' in de owwe van Weustenraad èèges neet aaf zow zieë kaome. Dat wert dör aandere betwiefeld. De Saint-Simoniste sjreve pamflette en 'n kenmaerk van dit genre is zjuus dat me an 't eind tut de essentie keumt. Weustenraad sjtopt och mit sjrieve, zjuus op 't momaent oeë klaor en dudelek wert oeë 't 'm um te doeë waor in de Persessie van Sjerpenheuvel. E klaagde mit dit gedich, al an 't begin van d'r 19de ieëw, de sjienhillighèèd van Rooms-Katholieke sexuele moraal aan.
